पद्मश्री डॉ. एच. सी. वर्मा यांचे गुरुवारी शिवाजी विद्यापीठात विशेष व्याख्यान

Oplus_131072

पद्मश्री डॉ. एच. सी. वर्मा यांचे गुरुवारी शिवाजी विद्यापीठात विशेष व्याख्यान
कोल्हापूर,: प्रख्यात भौतिकशास्त्रज्ञ पद्मश्री डॉ. एच. सी. वर्मा (आयआयटी, कानपूर) यांचे विशेष व्याख्यान येत्या गुरूवारी (दि. ९) सकाळी ११ वाजता शिवाजी विद्यापीठाच्या राजर्षी शाहू सभागृहात आयोजित करण्यात आले आहे. विद्यापीठाचा भौतिकशास्त्र अधिविभाग आणि ‘इंडियन असोसिएशन ऑफ फिजिक्स टीचर्स’ सब रिजनल कौन्सिल ०८ डी यांच्या संयुक्त विद्यमाने आयोजन करण्यात आले आहे. कार्यक्रमाच्या अध्यक्षस्थानी कुलगुरू डॉ. राजनीश कामत असणार आहेत.
डॉ. एच. सी. वर्मा यांचे ‘कन्सेप्ट्स ऑफ फिजिक्स’ हे पुस्तक आयआयटी-जेईई, नीट आणि इतर स्पर्धा परीक्षांची तयारी करणाऱ्या विद्यार्थ्यांसाठी महत्वाचे मानले जाते. भौतिकशास्त्रासारखा कठीण विषय अत्यंत सोप्या आणि रंजक पद्धतीने कसा अभ्यासावा, याबद्दल प्रा. वर्मा यांचे मार्गदर्शन कोल्हापूर आणि परिसरातील विद्यार्थ्यांसाठी पर्वणी ठरणार आहे. या व्याख्यानात ते भौतिकशास्त्रातील मूलभूत संकल्पनांवर प्रकाश टाकणार आहेत.
कोल्हापूर शहर व जिल्ह्यातील सर्व कनिष्ठ व वरिष्ठ महाविद्यालयांमधील विद्यार्थी, भौतिकशास्त्राचे प्राध्यापक, शिक्षक आणि विज्ञानप्रेमींनी या व्याख्यानाचा लाभ मोठ्या संख्येने उपस्थित राहून घ्यावा, असे आवाहन आयोजक भौतिकशास्त्र अधिविभागाचे प्रमुख डॉ. राजेंद्र सोनकवडे आणि आयएपीटी संस्थेतर्फे करण्यात आले आहे.