जोतिबा चैत्र यात्रेसाठी जिल्हा प्रशासन सर्तक आपत्ती व्यवस्थापन विभागाकडून ‘गायमुख’ व ‘अन्नछत्र’ परिसराची पाहणी

Oplus_131072

जोतिबा चैत्र यात्रेसाठी जिल्हा प्रशासन सर्तक आपत्ती व्यवस्थापन विभागाकडून ‘गायमुख’ व ‘अन्नछत्र’ परिसराची पाहणी

जोतिबा डोंगर: श्री क्षेत्र जोतिबाची चैत्र यात्रा आजचा मुख्य दिवसअवघ्या आहे. या यात्रेसाठी लाखो भाविक डोंगरावर जमा झाले आहेत. या पार्श्वभूमीवर प्रशासकीय यंत्रणा सतर्क झाली असून, जिल्हा आपत्ती व्यवस्थापन अधिकारी प्रसाद संकपाळ यांनी आपल्या सहकाऱ्यांसह यात्रेच्या मुख्य ठिकाणांची बारकाईने पाहणी केली.
यंत्रणेकडून सुरक्षिततेचा आढावा
जिल्हा आपत्ती व्यवस्थापन विभागाने गायमुख परिसर, अन्नछत्र आणि भाविकांची गर्दी होणाऱ्या प्रमुख ठिकाणांना भेटी दिल्या. या भेटीदरम्यान प्रसाद संकपाळ यांनी तेथील व्यवस्थेचा आढावा घेऊन संबंधित कर्मचाऱ्यांना सूचना दिल्या. आपत्कालीन स्थितीत गर्दीवर नियंत्रण मिळवण्यासाठी आणि भाविकांना त्वरित मदत पोहोचवण्यासाठी ‘डिझास्टर मॅनेजमेंट’ टीम तैनात करण्यात आली आहे.
सर्वच विभाग ‘ॲक्शन मोड’मध्ये
यात्रा यशस्वी आणि सुरक्षित पार पाडण्यासाठी जिल्हा प्रशासनाच्या मार्गदर्शनाखाली विविध विभाग अहोरात्र कष्ट घेत आहेत. यामध्ये प्रामुख्याने खालील विभागांचा सहभाग आहे:
* पोलीस दल: कडक बंदोबस्त आणि वाहतूक नियोजनावर भर.
* ग्रामपंचायत व पंचायत समिती: स्वच्छता आणि पाणीपुरवठा व्यवस्था.
* आरोग्य विभाग: ठिकठिकाणी प्रथमोपचार केंद्रे आणि रुग्णवाहिका तैनात.
* विद्युत विभाग (लाईट विभाग): अखंडित वीजपुरवठा आणि सुरक्षित विद्युत व्यवस्था.
प्रशासनाकडून सतर्कतेचा इशारा
“प्रशासन यात्रेसाठी पूर्णपणे सतर्क असून भाविकांना कोणताही त्रास होऊ नये, याची खबरदारी घेतली जात आहे. सर्वच विभागांचे अधिकारी आणि कर्मचारी समन्वयाने काम करत असून यात्रेकरूंनी देखील प्रशासनाला सहकार्य करावे,” असे आवाहन यावेळी करण्यात आले.
लाखो भाविकांच्या श्रद्धेचे स्थान असलेल्या जोतिबा चैत्र यात्रेसाठी जिल्हा प्रशासन, पोलीस आणि स्थानिक स्वराज्य संस्थांनी कंबर कसली असून, यंदाची यात्रा शिस्तबद्ध आणि सुरक्षित करण्यावर प्रशासनाचा भर आहे.