no images were found
मंदिराच्या घुमटाला विमान धडकून पायलटचा मृत्यू
हे विमान जर दुसरीकडे नागरी वस्तीमध्ये कोसळले असते तर मोठी जीवित हानीसारखी दुर्घटना घडली असती. घटनास्थळी त्वरित पोलीस दाखल होऊन त्यांनी मदतकार्यास सुरुवात केली.
भोपाळ : प्रशिक्षणार्थी विमानाची एका मंदिराच्या घुमटाला (मध्यप्रदेश) धडक बसल्याने सीनियर पायलटचा जागीच मृत्यू झाला असून एक ट्रेनी गंभीर जखमी झालेला आहे. जखमींना संजय गांधी रुग्णालयात दाखल करण्यात आले आहे. मध्यप्रदेशातील चोरहटा (जि. रीवा) येथे गुरुवारी रात्री ही दुर्घटना घडली. हे विमान पाल्टन प्रशिक्षण कंपनीचे असल्याची माहिती समोर येतेय. पुढील तपास पोलीस करीत आहेत.
सुमारे 12 ते 1 वाजेच्या दरम्यान गुरुवारी ही दुर्घटना घडली. चोरहटा विमानतळावरून विमानाने उड्डाण घेतले. परंतु, दाट धुक्यांमुळे विमान खालीच राहून ते अधिक उंचावर उडू शकले नाही. दरम्यान या विमानाने एका आंब्याच्या झाडाला धडक देत त्यानंतर मंदिराच्या घुमटाला जाऊन हे विमान धडकले व क्रॅश झाले.
विमानाने मंदिराच्या घुमटाला धडक दिल्यामुळे मंदिराचा घुमट कोसळला. यासह जोरदार धडकेमुळे विमानाचे पातेदेखील उडून पडले; विमानाच्या काही भागाचा चक्काचूर झाला. मंदिरापासून काही अंतरावर घरे होती जर येते विमान कोसळले असते तर जीवित हानीसारखी मोठी दुर्घटना घडली असती ती टळली. तरी या अपघातात सीनियर पायलटचा उपचार सुरू असताना मृत्यू झाला असून अन्य दोघांना संजय गांधी रुग्णालयात दाखल करण्यात आलेले आहे. यातील प्रशिक्षणार्थी पायलटची प्रकृती चिंताजनक असल्याचे वृत्त आहे. पोलीस विमान कोसळण्याचे नेमके कारण शोधत आहेत.
