अखिल भारतीय मराठी चित्रपट महामंडळाच्या अध्यक्षपदी मेघराज राजेभोसले , उपाध्यक्षपदी यमकर ,आनंद शिंदे तर कार्यवाहपदी सुशांत शेलार.    

Oplus_131074

अखिल भारतीय मराठी चित्रपट महामंडळाच्या अध्यक्षपदी मेघराज राजेभोसले , उपाध्यक्षपदी यमकर ,आनंद शिंदे तर कार्यवाहपदी सुशांत शेलार.                                                               कोल्हापूर (प्रतिनिधी): अखिल भारतीय मराठी चित्रपट महामंडळाच्या अध्यक्षपदी मेघराज भोसले यांची एक मताने निवड करण्यात आली. उपाध्यक्षपदी धनाजी यमकर, आनंद शिंदे तर मुख्य कार्यवाहपदी सुशांत शेलार यांची निवड झाली .खजिनदारपदी सुनील महाजन उपखजिनदार पदी शरद चव्हाण तर सहकार्यवाहपदी दीपक कदम व प्रवीण पाटील यांची निवड करण्यात आली.                                   २०२६ते २०३१ या पाच वर्षाच्या कार्यकाळासाठी नूतन पदाधिकारी निवडीसाठी महामंडळाच्या संचालक मंडळाची बैठक सोमवारी कोल्हापुरात झाली .बैठकीच्या अध्यक्षा तथा निवडणूक निर्णय अधिकारी रागिनी खडके यांनी कार्यकारणीची निवड जाहीर केली .निवडीनंतर पत्रकारांशी बोलताना अध्यक्ष राजे भोसले म्हणाले की ,चित्रपट महामंडळाच्या कार्यकरणीची पहिली बैठक २३जून रोजी पुणे येथे होणार आहे .या बैठकीत सभासदांना कार्ड देणे, वृद्ध कलावंतांचे मानधन ,कर्मचाऱ्यांची पेन्शन या संदर्भातील निर्णय घेतले जातील. पहिले मराठी चित्रपट संमेलन भरविण्यात येणारा आसून त्याबाबतही शिक्कामोर्तब होईल .सोलापूर ,नवी मुंबई ,रत्नागिरी आणि अहिल्यानगर येथे शाखा कार्यालय स्थापन केली जातील. कोल्हापुरातील कार्यालयाचे रखडलेले काम सुरू केले जाणार आहे. अभिनेते विक्रम गोखले यांनी दिलेल्या  जागेवर कलावंतांसाठी वृद्धाश्रम उभारणी बाबत निर्णय घेतला जाईल ,असेही त्यांनी सांगितले. निर्मात्यासाठी अनुदानासाठी महामंडळाची रद्द केलेली न हरकत प्रमाणपत्र अट पूर्ववत करण्यासाठी लवकरच संस्कृती मंत्री आशिष शेलार यांच्या सोबत बैठक घेणार असल्याचे राजेभोसले यांनी सांगितले .यावेळी संचालक अजित शिरोळे , राजकाझी ,सुभाष नकाशे,चैत्राली डोंगररे,रवींद्र गावडे, विकास तोरणे, गणेश गारगोटे आदी उपस्थित होते.दरम्यान,

या बैठकीला विरोधी गटाच्या संचालिका अभिनेत्री वर्षा उसगावकर अनुपस्थित होत्या.                                      राजे भोसले म्हणाले ,मराठी चित्रपट सृष्टीला नवी उभारी देण्यासाठी राज्यभरात १५० आसनक्षमतेची 300 चित्रपटगृहे उभारण्याचा संकल्प अखिल भारतीय चित्रपट महामंडळाने केला आहे. त्यामुळे मराठी चित्रपटांना अधिक स्क्रीन उपलब्ध होऊन उद्योगाला मोठी चालना मिळेल.