रंकाळा टॉवर ते शिंगणापूर नाका मार्गावरील अतिक्रमणे हटविली

कोल्हापूर : मा. प्रशासक बलकवडे मॅडम यांच्या नेतृत्वाखाली व अतिरिक्त आयुक्त नितीन देसाई यांच्या आदेशानुसार शहर अभियंता नेत्रदीप सरनोबत यांच्या मार्गदर्शनाखाली सोमवारी (दि. 21/11/2022) रोजी अतिक्रमण विभागाकडून कारवाई करणेत आली.

सदर कारवाईमध्ये रंकाळा टॉवर ते शिंगणापूर नाका पर्यंत कारवाई करण्यात आली. सदर कारवाई मध्ये 03 हातगाड्या व O2 खाॅट , खुर्ची टेबल 28 स्टॅन्ड बोर्ड 12 व 16 शेड व दुकाना समोरील ०६ छप्र्या काढण्यात आल्या. तसेच 18 हातगाड्या स्वतः गाडी मालकाने काढून घेतल्या. सदर कारवाई सचिन जाधव अतिक्रमण अधीक्षक, सजन नागलोत कनिष्ठ लिपिक, मुकादम रविंद्र कांबळे, शरद कांबळे  आणि  अतिक्रमण पथकातील कर्मचारी  यांचे सहकार्याने पार पाडणेत आली.