भोगावती कारखान्याच्या पत्र्यावरून पडून कामगाराचा मृत्यू

राशिवडे : आज सकाळी १०.३० वाजता भोगावती सहकारी साखर कारखान्याच्या सिव्हील विभागाकडील पत्र्याच्या पोखरची मापे घेत असताना कामगार पत्राच फुटून खाली कोसळला. कोसळल्यामुळे कामगार सदाशिव यशवंत सुतार (वय ५५, रा.कुरुकली ता. करवीर) या कामगाराचा मृत्यू झाल्याची दुर्घटना घडली.  या घटनेची नोंद करवीर पोलीस ठाण्यात करण्यात आली आहे.

यासंबंधी प्राप्त माहिती अशी की,  शुक्रवारी (आज) सकाळी सुतार हे कारखान्याच्या सिव्हील विभागाकडील पन्नास फुटाहून अधिक उंचीवर असणाऱ्या पत्र्याजवळील पोखरचे माप घेनासाठी सेफ्टीकिट, हेल्मेटसह दोरी बांधून पत्र्यावर चढले होते. मात्र दरम्यान पत्राच फुटल्याने सुतार पन्नास फूट उंचीवरुन खाली पडले. जखमी अवस्थेतच त्यांना खासगी हॉस्पिटलमध्ये दाखल करण्यात आले,  परंतु त्याआधीच त्यांचा मृत्यू झाला. या घटनेची नोंद करवीर पोलीस ठाण्यामध्ये झालेली आहे.