कोल्हापूर वांगीबोळ येथून ५८ हजार रुपयांचा मुद्देमाल चोरीला

कोल्हापूर : वांगी बोळ येथून ५८ हजार रुपयांचा मुद्देमाल चोरीला गेल्याची फिर्याद नोंद झाली आहे. फिर्यादीने दिलेल्या तक्रारीनुसार जुना राजवाडा पोलीस ठाण्यात अज्ञात चोराविरूद्ध गुन्हा नोंदविण्यात आला आहे. याबाबत अधिक माहिती अशी कि, यातील फिर्यादी आम्रपाली जयवंत चौगुले (वय ४७ रा. निवृत्ती चौक, शिवाजी पेठ, कोल्हापूर) या आपल्या मैत्रिणीसोबत महाद्वारोडवरील वांगी बोळ नजीक दासाराम बुकजवळ कपड्याच्या स्टालवर खरेदी करीत असताना मोठ्या पर्समधील छोटी पर्स चोरीस गेल्याची तक्रार फिर्यादीने नोंदविली आहे. या पर्समध्ये कर्णफुले तसेच रोख रक्कम असा एकूण ५८ हजार रुपयांचा मुद्देमाल असल्याची फिर्यादीने माहिती नोंदविली आहे.

याबाबत अधिक तपास पो. नि. दत्तात्रय नाळे यांच्या मार्गदर्शनाखाली स. फौजदार पाटील करीत आहेत.