no images were found
जिल्हा माहिती अधिकारी सुनील सोनटक्के यांना बदलीनिमित्त निरोप
कोल्हापूर : कोल्हापूर विभागाचे प्रभारी उपसंचालक तथा कोल्हापूरचे जिल्हा माहिती अधिकारी, सुनील सोनटक्के यांची सोलापूर जिल्हा माहिती अधिकारी पदी बदली झाल्या बद्दल विभागीय व जिल्हा माहिती कार्यालयाच्या वतीने त्यांना निरोप देण्यात आल्या.
यावेळी माहिती अधिकारी वृषाली पाटील, रविंद्रकुमार चव्हाण, वृषाली कदम, सचिन वाघ, रोहित माने, सतीश कोरे, साक्षी मोरे, सतीश शेंडगे, रोहित कांबळे, अनिल यमकर, प्रकाश पाटील, दामू दाते, प्रकाश चव्हाण, रावसाहेब पाटील, स्वप्नाली कुंभार, रोहिणी कोईंकडे आदी उपस्थित होते.
मूळचे उस्मानाबाद जिल्ह्यातील बेंबळी गावचे असणाऱ्या सुनील सोनटक्के यांनी आजवर जळगाव येथे माहिती अधिकारी म्हणून तर हिंगोली, सोलापूर व लातूर येथे जिल्हा माहिती अधिकारी म्हणून कामकाज पाहिले आहे. लातूर विभागाचे प्रभारी उपसंचालक म्हणून त्यांनी 10 महिने अतिरिक्त कार्यभार सांभाळला आहे. याशिवाय बीड, उस्मानाबाद येथे प्रत्येकी एक वर्ष तर नांदेड येथेही अतिरिक्त जिल्हा माहिती अधिकारी म्हणून यशस्वीपणे कार्यभार पार पाडला आहे.
