‘वागले की दुनिया’मध्ये किट्टूचा रहस्यमय मित्र भूत निघाला!

सोनी सबवरील ‘वागले की दुनिया: नई पीढी नए किस्से’ मालिकेत वागले कुटुंबियांचा दैनंदिन संघर्ष आणि यशापयश यांचे हृद्य चित्रण बघायला मिळते. अलीकडच्या भागांमध्ये, यामिनी (मानसी जोशी)ची आई आणि भाऊ कोणत्याशा मालमत्तेच्या कागदपत्रांवर तिची सही घेण्यासाठी साईदर्शन सोसायटीत येतात.वास्तविक किट्टू (माही सोनी) दत्तक घेतलेली मुलगी असल्यामुळे त्यांची नावडती आहे आणि यामिनीच्या मालमत्तेत तिला वाटा मिळू नये हा त्यांच्या इथे येण्यामागचा सूप्त हेतू आहे.

आगामी भागांमध्ये गोष्टीला एक वेगळेच वळण मिळते, जेव्हा किट्टूचा एक रहस्यमय मित्र अवतरतो. तो आल्यानंतर चमत्कारिक गोष्टी घडू लागतात आणि सर्व जण कोड्यात पडतात. हा मित्र फक्त किट्टूलाच दिसतो आणि तो टोपीशी खेळ करतो, इकडे तिकडे टोपी उडवतो आणि अथर्वचा (शीहान कपाही) मिल्कशेक देखील पळवतो. पुढे हा धक्कादायक खुलासा होतो की, किट्टूचा हा मित्र म्हणजे एक भूतच आहे, जो तिच्या काका आणि आजीपासून तिचे रक्षण करत आहे आणि यामिनीने मालमत्तेच्या कागदपत्रांवर सही करू नये याचाही प्रयत्न करत आहे. मित्राच्या रुपातले हे भूत त्याच्या मिशनमध्ये यशस्वी होणार का हे बघण्यासाठी प्रेक्षकांना थोडी प्रतीक्षा करावी लागेल.

वागले की दुनिया मालिकेत राजेशची भूमिका करत असलेला सुमित राघवन म्हणतो, “ही गोष्ट विशेष आकर्षक आहे, कारण आपण नेहमी एकाच साच्यातील भूत बघतो.‘वागले की दुनिया’ मालिकेतील हे भूत मात्र अभद्र नसून संरक्षक आणि प्रेमळ आहे. भुताच्या उपस्थितीमुळे या कथानकाला एक रहस्यमयतेचा स्तर मिळाला आहे आणि कौटुंबिक नात्यासारख्या भावनिक मुद्द्याला ही कथा हात घा