‘वंशज’ मध्ये भूमिका साकारणारी अंजली तत्रारी म्हणते, भावनिक दृश्यांनंतर, मी सहसा माझ्या आईला फोन करते..

सोनी सब या वाहिनीवर सुरू असलेली वंशज ही मालिका आपल्या समाजात असलेल्या स्त्री- पुरुष भेदाभेद आणि वारशाच्या गुंतागुंतीचा शोध घेऊन दर्शकांना गुंतवून ठेवते. महाजनांचे कट्टर प्रतिस्पर्धी असलेल्या तलवार कुटुंबाच्या परिचयाने कथानकाला नवे वळण मिळाले आहे. युविकाची भूमिका साकारणारी अंजली तत्रारी तिच्या आजवरच्या प्रवासावर बोलताना खूपच भाऊक झाली. तिने सांगितले की, आजवर एक अभिनेत्री म्हणून आपण केलेल्या भूमिकांचा आपल्या  मनावर खोलवर परिणाम झाला आहे. या मालिकेत अंजली हिने एका महत्त्वाकांक्षी बॉस युविका ही भूमिका चोख पणे पार पडली आहे. पुढे ती म्हणाली, वंशज मालिकेतील भूमिकेने तिला अंतर्मनातील भावनिक खोली शोधण्यास मदत केली आहे. आपल्यातील असलेले गुण शोधण्यास खूप मदत या भूमिकेमुळे झाली आहे. अंजली हिच्या सोबत झालेला हा  संवाद

 युविकाचा प्रवास कसा विकसित झाला आहे आणि तिच्या व्यक्तिरेखेचा कोणता भाग तुला सर्वात जास्त आवडेल?

युविकाचा प्रवास खरोखरच अतिशय दर्जेदार आहे. जो प्रचंड आव्हानांनी भरलेला आहे. गेल्या वर्षभरात, मी ऋषिकेशमधील एका साधारण तरुणीचे रूपांतर अधिक प्रौढ आणि आत्मविश्वास असलेल्या व्यक्तीत झालेले पाहिले आहे. अगदी सुरुवातीपासूनच युविकाने नेहमीच योग्य गोष्टींसाठी लढा दिला आहे, पण आता ती नवीन आत्मविश्वास आणि ताकदीने हे काम पूर्ण करते. युविकाच्या व्यक्तिरेखेचा जो पैलू मला सर्वात जास्त जाणवतो ती म्हणजे तिची लवचिकता. आयुष्यामध्ये तिच्यासमोर कितीही अडथळे आणले तरीही ती नेहमी कुठल्याही संकटाचा सामना करण्यास सज्ज राहते. माझ्या कामाशी अतूट दृढनिश्चय आहे, ज्याशी मी खोलवर जोडले गेले आहे.  आणि हेच मी माझ्या स्वतःच्या जीवनात हे सर्व अंमलात करण्याचा प्रयत्न केला आहे. युविकाप्रमाणेच, मी आव्हानांना तोंड देण्यासाठी खऱ्या आयुष्यामध्ये आत्मविश्वासाने उभे राहण्याचा प्रयत्न करते.

विविध प्रकारच्या भूमिका साकारण्याचा सर्वात आव्हानात्मक भाग कोणता होता, प्रथम युविका नंतर युक्ती आणि नंतर युविकाकडे परत काय सांगशील  

वैविध्यपूर्ण भूमिका साकारण्याचा सर्वात आव्हानात्मक भाग म्हणजे युविका ते युक्ती आणि नंतर युविकाकडे जाणे होय. एक पात्र साकारताना तुमच्यामध्ये आत्मविश्वास निर्माण झाल्यास हे शक्य होते.मी इतके दिवस युविका होते, मला जवळजवळ मी तीच असल्यासारखे वाटले. मग, अचानक मला युक्तीकडे जावे लागले, जी पूर्णतः विरुद्ध तिच्या विरुद्ध आहे. ती खूप आत्मविश्वासी आहे. ती खूप चांगली असून तिच्यामध्ये खूप गुण भरलेले आहेत.  एक अभिनेत्री म्हणून एखाद्या मालिकेत अशा दोन वेगळ्या व्यक्तिरेखा साकारण्याची संधी मिळाल्याने मी खरोखरच स्वतःला खूप भाग्यवान समजते. अनेक अभिनेत्री आशा भूमिकांची वाट पाहत असतात ही संधी मला नशिबानेच मिळाली.  सर्वात चांगली गोष्ट म्हणजे, युक्ती आणि युविका या दोघींवर माझे जितके प्रेम आहे त्याप्रमाणेच या दोघींचे मिश्रण म्हणजे मी आहे असे मानते. असे काही क्षण आहेत जेव्हा मी युविकासारखे असणे आवश्यक आहे. अनेकदा मी भावनिक होऊन युक्ती ज्याप्रमाणे धैर्याने लढा देते त्याप्रमाणे वागत असते दोन्ही पात्रांना न्याय देऊन जिवंत करणे हा एक अतिशय सुंदर असा अनुभव होता

युविका हिचा प्रियकर नील याच्या मृत्यूनंतर तू अतिशय भावनिक झाली होती, तिचे कशातही मन लागत नव्हते. या भूमिकेसाठी तू कशी तयारी केली? त्याचा तुझ्यावर कसा परिणाम झाला?

युविका हिचा प्रियकर नील याचा मृत्यू झाल्यानंतर भूमिकेमध्ये भावनिक तयारी करणे माझ्यासाठी खूप आव्हानात्मक होते. एखाद्या स्त्रीच्या पतीच्या मृत्यूनंतर खऱ्या आयुष्यामध्ये जसा भावनिक क्रम असतो, तोच मला भूमिकेमध्ये दाखवण्यासाठी फार मोठी मेहनत करावी लागली. त्यासाठी खूप विचार देखील करावा लागला आणि तसा अभिनय करावा लागला. मानसिक दृष्ट्या कसलेली दृश्य करताना फार कष्ट घ्यावे लागले. ही भूमिका करताना माझ्या खऱ्या आयुष्यातील देखील प्रसंग मला आठवले.

 कारण मी माझ्या स्वत: च्या आयुष्यात याचा अनुभव घेतला आहे. शूटिंग करताना त्या भावनांना पुन्हा जिवंत करणे सोपे नाही आणि काहीवेळा नंतरच्या पात्रापासून तुम्ही   स्वतःला वेगळे करणे कठीण असते. परंतु माझा असा विश्वास आहे की, अभिनेत्री होण्याच्या सर्वात सुंदर पैलूंपैकी एक आहे. आपल्या व्यक्तिरेखेच्या भावनांशी इतके खोलवर आपण एकरूप होऊ शकले तरी,  ते मानसिकदृष्ट्या आकारले जाऊ शकते. आव्हाने असूनही, मला भावनिक दृश्ये पार पाडण्यात खरोखर आनंद झाला. कारण मला यामध्ये माझ्या स्वतःच्या भावना देखील व्यक्त करण्याची आणि जिवंत अभिनय दाखवण्याची संधी मिळाली.

भावनिक दृश्यानंतर तू त्यापासून कसे वेगळे होतेस, काय सांगशील?

भावनिक दृश्यांनंतर, मी सहसा माझ्या आईला फोन करून माझा त्या दृश्यातून बाहेर पडण्याचा प्रयत्न करते. माझे अनेक मित्र मुंबईलाच आहे. मात्र, ते त्यांच्या कामात व्यस्त असतात. त्यामुळे मी त्यांना शूटिंग नंतर भेटू शकत नाही. त्यामुळे मालिकेच्या भावनिक दृशानंतर मी माझ्या आईला फोन करते आणि तिच्यासोबत चर्चा करते. तसेच हलकेफुलके विनोद झाल्यानंतर मग आराम करते. मग मला भूमिकेतून बाहेर पडून माझ्या खऱ्या आयुष्यात प्रवेश करता येतो.

युविका पुढे डीजे आणि यशचा सामना कसा करेल? या प्रतिस्पर्ध्यांबद्दल तू काय सांगशील ?

 मालिकेमध्ये पुढील भागात आता डीजे आणि यशला सामोरे जाण्यासाठी युविका हिचा दृष्टिकोन हा अतिशय वेगळा असला तरी ती काहीतरी आपल्या मर्यादा देखील दाखवून देईल. पुढे मालिकेत काही गोष्टी असतील तिथे युविकाही त्यांच्याशी एकरूप झाल्याचे दिसेल. परंतु कथेची दिशा पुढे सरकत आहे.  त्यामुळे ती त्यांचा सामना कसा करेल हे सांगणे कठीण आहे. युविका ही अशी तरुणी आहे जिला आपल्या कुटुंबाची काळजी आहे. अनेकांनी तिच्यावर अन्याय केला तरी ती लोकांना पुढे संधी देण्यावर विश्वास ठेवते. तिच्या कुटुंबाला तिला एकत्र आणण्याची देखील खूप इच्छा आहे. यश आणि डीजे यांच्या बाजूने ती उभे राहून कुटुंबाला दूर करणार नाही आणि त्यातून देखील मार्ग काढेल हे देखील सांगावेसे वाटते.

युविकाच्या पुढच्या प्रवासात चाहते काय अपेक्षा करू शकतात?

मालिकेच्या पुढच्या भागांमध्ये युविका हिला  आपण एका वेगळ्याच जगात पाहू शकणार आहात.मालिकेत नाटक, व्यावसायिक कारस्थान आणि जटिल प्रेम-द्वेषी नातेसंबंध यांचे मिश्रण आपल्याला दिसणार आहे. युविका हिची भूमिका तिच्या ताकद आणि दृढनिश्चयापासून तिच्या असुरक्षा आणि भावनांपर्यंत अनेक वेगवेगळ्या छटा शोधून काढेल. कथा जसजशी पुढे जाईल, तसतसे तिला आव्हानात्मक परिस्थितीतून मार्ग काढावा लागणार आहे. तिच्या वैयक्तिक जीवनात आणि यशाचा पाठपुरावा करताना तुम्हाला ती दिसेल. फक्त युविकात नाही तर इतर पात्रांमध्ये देखील अनेक बदल आपल्याला पाहायला मिळणार आहेत, तर मालिकेमध्ये आता पुढे मनोरंजनात्मक प्रसंग घडतील.