no images were found
पंतप्रधान मोदी यांच्या वाढदिवसानिमित्त ‘सेवा पंधरवडा‘ – उमुख्यमंत्री फडणवीस
नवी दिल्ली : 17 सप्टेंबर रोजी पंतप्रधान नरेंद्र मोदींचा वाढदिवस आहे. यानिमित्त महाराष्ट्रात सरकारकडून सेवा पंधरवाडा साजरा करण्यात येणार आहे, असे उपमुख्यमंत्री फडणवीस यांनी पत्रकार परिषदेत सांगितले. जनतेची अनेक कामे त्यांचे अनेक प्रश्न प्रलंबित आहे. त्यामुळे जनतेची अनेकवेळा मोठी गैरसोय होते. जनतेची गैरसोय टाळण्यासाठी त्यांची दाखल्याची किंवा अन्य कामे मार्गी लावण्यासाठी सरकारने सेवा पंधरवडा साजरा करण्याचा निर्णय घेतला आहे. पंतप्रधान नरेंद्र मोदी यांच्या वाढदिवसानिमित्त हा निर्णय घेण्यात आला आहे, असे फडणवीस म्हणाले. पंतप्रधान मोदींचा वाढदिवस हा 17 सप्टेंबरला आहे. त्यामुळे 17 सप्टेंबरपासून 2 ऑक्टोबरपर्यंत हा सेवा पंधरवडा साजरा करण्यात येईल.
