पाकिस्तानला हरवल्यावर ऑस्ट्रेलियन खेळाडू देतोय भारत माता की जय अशा घोषणा

विश्वचषक २०२३ मध्ये सध्या पॉईंट टेबलमध्ये २ विजय व २ पराभवांसह पाकिस्तान पाचव्या स्थानी आहे. ऑस्ट्रेलियाविरुद्धच्या शेवटच्या सामन्यात पाकिस्तानचा ६२ धावांनी पराभव झाला होता तर भारतासमोरही पाकिस्तानने गुडघे टेकले होते. भारत विरुद्ध पाकिस्तान सामन्याच्या वेळी तर सोशल मीडियावर मीम्सचा पाऊसच कोसळत होता पण अगदी ऑस्ट्रेलियाने पाकिस्तानला हरवल्यावर सुद्धा व्हायरल व्हिडीओ व पोस्ट्सचं वादळ शमत नव्हतं. असाच एक व्हिडीओ लाइटहाऊस जर्नलिझमला आढळून आला ज्यामध्ये पाकिस्तानला हरवल्यावर ऑस्ट्रेलियन खेळाडू भारत माता की जय अशा घोषणा देत असल्याचा दावा करण्यात आला आहे.