अखेर कोल्हापूर महापालिकेला आयुक्त मिळाले

कोल्हापूर: कोल्हापूर महापालिका आयुक्तपदी के मंजूलक्ष्मी यांची नुकतीच नियुक्ती झाली आहे .त्या उद्या बुधवारी आपल्या पदाचा कार्यभार स्वीकारतील .कोल्हापूर महापालिकेतील आयुक्त पद गेल्या दोन जून पासून रिक्त होते. यावरून मोठा राजकीय वाद पेटला होता .महापालिकेला तातडीने पूर्ण वेळ आयुक्त मिळावा अशी मागणी वेगवेगळ्या संघटनांकडून होत होती. अखेर मंजू लक्ष्मी यांची आयुक्त पदी निवड झाली आहे. कोल्हापूर महापालिकेच्या आयुक्तपदी के मंजू लक्ष्मी यांची नियुक्ती करण्यात आल्यानंतर राज्य शासनाने त्या संदर्भात आज आदेश काढले. के मंजू लक्ष्मी या सध्या सिंधुदुर्गच्या जिल्हाधिकारी म्हणून कार्यरत आहेत. त्या उद्या कोल्हापूर महापालिकेत आपला कार्यभार स्वीकारतील.