सैन्यदलात भरतीपूर्व प्रशिक्षणाचे आयोजन इच्छुक उमेदवारांची 25 सप्टेंबरला मुलाखत

कोल्हापूर : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्व्हीस सिलेक्शन बोर्ड (एसएसबी) या परीक्षेच्या पूर्व तयारीसाठी छात्रपूर्व प्रशिक्षण केंद्र, नाशिक रोड, नाशिक येथे शासनामार्फत राज्यातील नवयुवक व नवयुवतींसाठी दिनांक 3 ते 12 ऑक्टोबर 2023 या कालावधीत एसएसबी कोर्स क्र. 54 प्रशिक्षण आयोजित करण्यात आले असल्याचे जिल्हा सैनिक कल्याण अधिकारी ले. कर्नल राहुल माने (निवृत्त) यांनी कळविले आहे.

जिल्ह्यातील इच्छुक उमेदवारांनी सैन्य दलातील पदाच्या भरतीची संधी उपभोगण्यासाठी जिल्हा सैनिक कल्याण कार्यालय येथे 25 सप्टेंबर 2023 रोजी मुलाखतीस हजर रहावे. मुलाखतीस येताना डिपार्टमेंट ऑफ सैनिक वेलफेअर, पुणे (डिएसडब्ल्यू) यांच्या संकेतस्थळावर सर्च करुन त्यामधील एसएसबी 54 कोर्ससाठी किंवा जिल्हा सैनिक कार्यालयाने प्रिंट दिलेल्या किंवा व्हॉटस्ॲप क्रमांक 9156073306 या क्रमांकावर एसएसबी 54 हा मेसेज केल्यास कोर्ससाठी संबंधित परिशिष्ठ उपलब्ध करुन दिले जाईल. यावेळी उपस्थित राहताना उमेदवारांनी शिफारस पत्र व त्यासोबत असलेल्या परिशिष्टांची प्रिंट पूर्ण भरुन सोबत न्यावी.

 केंद्रामध्ये एस.एस.बी. कोर्समध्ये प्रवेश मिळविण्यासाठी कंम्बाईन्ड डिफेन्स सर्व्हीसेस एक्झामिनेशन (CDSE-UPSC) पास झालेली असावी व त्यासाठी सर्व्हीसेस सिलेक्शन बोर्ड मुलाखतीसाठी पात्र झालेले असावे. एनसीसी यी सर्टीफिकेट ए किंवा बी ग्रेड मध्ये पास झालेले असावे व एनसीसी ग्रुप हेडक्वार्टरने एसएसबीसाठी शिफारस केलेली असावी. टेक्नीकल ग्रॅज्युएट कोर्ससाठी एस.एस.बी मुलाखतीसाठी कॉल लेटर असावे. युनिर्व्हसिटी एन्टर स्किमसाठी एसएसबी लेटर असावे किंवा एसएसबी साठी शिफारस केलेल्या यादीत नाव असावे, यापैकी कोणतेही एक पत्रात आवश्यक आहे.

 अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल training.pctcnashik@gmail.com व दूरध्वनी क्रमांक 0253-2451032, भ्रमणध्वनी क्रमांक 9156073306 या क्रमांकावर कार्यालयीन वेळेत संपर्क साधावा, असे आवाहनही श्री. माने यांनी केले आहे.