no images were found
ई सेवा केंद्र साक्षरता प्रशिक्षण कार्यशाळेचे आयोजन
कोल्हापूर : महाराष्ट्र उद्योजकता विकास केंद्र, कोल्हापूर मार्फत दोन दिवसीय ई सेवा केंद्र साक्षरता प्रशिक्षण कार्यशाळेचे दिनांक 23 व 24 जुलै रोजी आयोजन करण्यात आले असून इच्छुकांनी प्रशिक्षण कार्यशाळेमध्ये सहभाग घ्यावा, असे आवाहन महाराष्ट्र उद्योजकता विकास केंद्राच्या प्रकल्प अधिकारी वनिता पाटील यांनी केले आहे.
कार्यशाळेमध्ये स्वतःचे ई सेवा केंद्र चालू करण्यासाठी आवश्यक असणाऱ्या सर्व गोष्टींची माहिती देण्यात येणार आहे. उदा. पॅन कार्ड सेवा नवीन व दुरुस्ती, लहान मुलांचे, विवाहानंतरचे पॅन कार्ड यासह भविष्य निर्वाह निधी, केवायसी-पीएफ ट्रान्सफर, कामगार कार्ड, ई श्रम कार्ड, इ गॅजेट्स (राजपत्र), शॉप अॅक्ट, फूड लायसन्स, मतदान सेवा, जीवन प्रमाणपत्र, उद्योग आधार, सातबारा ८ अ, प्रॉपर्टी कार्ड, अपंग प्रमाणपत्र, महावितरण-कनेक्शन अर्ज, रिचार्ज पॉईंट, डिश रिचार्ज, मोबाईल रिचार्ज विषयी परिपूर्ण माहिती प्रात्यक्षिकासह दिली जाईल.
कार्यशाळा पूर्ण करणाऱ्यांना प्रमाणपत्र देण्यात येणार असल्याचेही श्रीमती पाटील यांनी कळविले आहे.
