Oplus_131072
no images were found
एचडीएफसी बँकेच्या अध्यक्षपदी राजीव कुमार
मुंबई : एचडीएफसी बँकेने माजी वित्तीय सेवा सचिव राजीव कुमार यांची अंशकालीन बिगर कार्यकारी अध्यक्ष म्हणून नियुक्ती केली आहे. बँकेच्या संचालक मंडळाने आज झालेल्या बैठकीत या नियुक्तीला मंजुरी दिली. भारतीय रिझर्व्ह बँकेच्या मंजुरीनंतर तसेच भागधारकांच्या संमतीनंतर ही नियुक्ती प्रभावी होणार आहे.राजीव कुमार यांची जून २०२६ पासून चार वर्षांच्या कालावधीसाठी अतिरिक्त (स्वतंत्र) संचालक म्हणून नियुक्ती करण्यात आली आहे. त्यानंतर त्यांची तीन वर्षांच्या कालावधीसाठी अंशकालीन अध्यक्ष म्हणून नियुक्ती होणार असून ती भारतीय रिझर्व्ह बँकेच्या मंजुरीच्या अधीन असेल. तसेच, स्वतंत्र संचालक म्हणून नियुक्तीसाठी भागधारकांची मंजुरीही आवश्यक असेल, असे बँकेने सांगितले आहे.
