no images were found
चाकणमध्ये धारदार शस्त्राने दोघा तरुणांवर हल्ला! १ ठार
चाकण :चाकण शहरात १० ते १२ जणांच्या टोळक्याकडून धारदार शस्त्राने करण्यात आलेल्या हल्ल्यामध्ये १ तरुण ठार झाला तर दुसरा गंभीर जखमी झाला.
शहरात रात्री वर्दळीच्या मध्यवर्ती ठिकाणी हा थरारक हल्ल्याचा प्रकार घडला. १० ते १२ जणांच्या टोळक्याने कोयत्याने २ तरुणांवर हल्ला करत सपासप वार केले. या झालेल्या हल्ल्यात मोन्या उर्फ मोगेश घोगरे हा तरुण ठार झाला तर त्याचा मित्र अमोल नाटुकर हा तरुण गंभीररीत्या जखमी झाला. पोलिसांना घटनेची माहिती मिळताच पोलीस घटनास्थळी ताबडतोब दाखल झाले. सध्या अमोल नाटुकर याच्यावर खासगी रुग्णालयात उपचार सुरु आहेत. प्राणघातक हल्ला तसेच हत्येप्रकरणी पोलिसांकडून १२ जणांवर गुन्हा नोंदवण्यात आला आहे. याप्रकरणी पोलिसांकडून पुढील तपास सुरु आहे.
