नवले पुलावरील अपघाताची होणार चौकशी; मुख्यमंत्र्यांचे आदेश

पुणे : पुण्यामधील नवले पुलावर सतत अपघात घडत असून, रविवारी रात्री सुमारे  ४८ वाहने एकमेकांवर आदळून झालेल्या अपघातात सर्व गाड्यांचे नुकसान झाले. तसेच  ५० ते ६० जण जखमी झाले आहेत. नवले पुलावर असणाऱ्या वाहनांच्या वर्दळीमुळे तेथे नेहमी वाहतूक कोंडीची समस्या उद्भवत असते.  नवले ब्रिजवर सतत होणाऱ्या अपघात सत्रामुळे हा  ब्रिज अपघात ब्रिज म्हणून प्रसिद्धीस येत आहे. रविवारी  नवले पुलावर झालेल्याया विचित्र अपघाताची चौकशी करण्याचे आदेश मुख्यमंत्री एकनाथ शिंदे यांनी दिले आहेत.   भरधाव टॅंकर ४८ गाड्यांना धडक देत पुढे गेला.  या अपघातात १० जण गंभीर जखमी झाले होते. या अपघातामागील  मुळ कारण काय असेल, याची सखोल चौकशी केली जाईल.