no images were found
महाविद्यालयात मराठमोळ्या संस्कृतीचा जागर; विद्यार्थिनींनी साजरा केला ‘हळदी-कुंकू’ सोहळा
कोल्हापूर (प्रतिनिधी):न्यू कॉलेज ऑफ फार्मसी, कोल्हापूर येथे सांस्कृतिक विभागाच्या वतीने ‘मकर संक्रांत’ आणि ‘हळदी-कुंकू’ समारंभाचे अत्यंत उत्साहात आयोजन करण्यात आले होते. पाश्चात्य संस्कृतीच्या प्रभावातही तरुण पिढी आपली परंपरा जपण्यासाठी किती उत्सुक आहे, याचे दर्शन आज महाविद्यालयीन परिसरात घडले.
पारंपारिक वेशभूषेचा लखलखाट. महाविद्यालयाच्या मुख्य सभागृहात फुलांची सजावट आणि सुंदर रांगोळी काढण्यात आली होती, ज्यामुळे वातावरणात एक वेगळाच चैतन्य निर्माण झाले होते.
कार्यक्रमाची सुरुवात सरस्वती पूजनाने झाली. त्यानंतर उपस्थित सर्व विद्यार्थिनी, प्राध्यापिका आणि महिला कर्मचाऱ्यांना हळदी-कुंकू लावून शुभेच्छा देण्यात आल्या. या कार्यक्रमाचे विशेष आकर्षण म्हणजे ‘उखाणे स्पर्धा’ सारखे अनेक खेळ घेतले गेले. सर्व शिक्षकांना वाण देणेत आले. तसेच, सर्वांचे तोंड गोड करण्यासाठी ‘तीळ-गुळ’ देण्यात आले.
याकार्यक्रमावेळी न्यू माध्यमिक विद्यालय कोल्हापूरच्या शिक्षिका जे. इस. पाटील यांनी विद्यार्थिनींना संबोधित करताना सांगितले की, “असे कार्यक्रम केवळ मनोरंजनासाठी नसून आपल्या संस्कृतीची मुळे घट्ट करण्यासाठी असतात. विद्यार्थिनींमध्ये एकोपा वाढावा आणि त्यांना आपल्या सणांमागचा सामाजिक अर्थ समजावा, हाच यामागचा मुख्य उद्देश आहे.”
दुपारी उशिरापर्यंत चाललेल्या या सोहळ्याची सांगता सामूहिक छायाचित्राने (Group Photo) झाली. ‘तीळ-गुळ घ्या, गोड-गोड बोला’ अशा शुभेच्छा देत विद्यार्थिनींनी हा सण मोठ्या आनंदाने साजरा केला.कार्यक्रमाचे आयोजन प्राध्यापिका भक्ती वाली व अंजली महाडिक मॅडम यांनी केले होते.
