न्यू वुमन्स कॉलेज ऑफ फार्मसीमध्ये विद्यार्थीनी स्वागत कार्यक्रम उत्साहात संपन्न

Oplus_131072

न्यू वुमन्स कॉलेज ऑफ फार्मसीमध्ये विद्यार्थीनी स्वागत कार्यक्रम उत्साहात संपन्न
कोल्हापूर (प्रतिनिधी ) : श्री प्रिन्स शिवाजी मराठा बोर्डिंग हाऊस संचलित न्यू वुमन्स कॉलेज ऑफ फार्मसी, कोल्हापूर येथे शुक्रवार, दिनांक ३० ऑक्टोबर २०२६ रोजी Student Induction Program cum Fresher’s Party उत्साहात संपन्न झाला.
या कार्यक्रमासाठी प्रमुख पाहुणे म्हणून गोकुळ शिरगाव येथील महावीर आयुर्वेद फार्मसीचे व्यवस्थापकीय संचालक मा. श्री. आदिनाथ महावीर घोंगडे हे त्याच्या सहपत्नी उपस्थित होते.
कार्यक्रमास संस्थेचे चेअरमन मा. डॉ. के. जी. पाटील, उपाध्यक्ष मा. श्री. डी. जी. किल्लेदार, खजिनदार मा. श्री. वाय. एस. चव्हाण, विकास अधिकारी मा. डॉ. एस. एच. डाभोळे उपस्थित होते.
तसेच सौ.एस. ए. खराडे मॅडम, मा. श्री. पी. सी. पाटील सर, मा. श्री. वाय. एल. खाडे सर, सौ.एस. ए. निगडे मॅडम, तसेच न्यू कॉलेज ऑफ फार्मसीचे प्राचार्य आर. बी. कुंभार सर यांची विशेष उपस्थिती लाभली.
प्रमुख पाहुण्यांनी विद्यार्थिनींना फार्मसी क्षेत्रातील विविध संधी, औषधनिर्मिती उद्योगातील कौशल्ये तसेच शैक्षणिक प्रगतीसाठी आवश्यक असणाऱ्या गुणांबाबत मार्गदर्शन केले. विद्यार्थिनींनी आत्मविश्वास, जिद्द आणि सातत्यपूर्ण मेहनतीच्या जोरावर यशस्वी फार्मासिस्ट होण्याचे आवाहन त्यांनी केले.
कार्यक्रमामध्ये नूतन विद्यार्थिनींचे स्वागत करण्यात आले. महाविद्यालयातील शैक्षणिक वातावरण, विविध उपक्रम, सांस्कृतिक कार्यक्रम, क्रीडा स्पर्धा तसेच विद्यार्थिनींच्या सर्वांगीण विकासासाठी राबविण्यात येणाऱ्या उपक्रमांची माहिती देण्यात आली. विद्यार्थिनींनी विविध सांस्कृतिक कार्यक्रमांद्वारे आपल्या कलागुणांचे सादरीकरण केले.
प्राचार्या प्रा. सौ. ए. आर. पुजारी यांनी विद्यार्थिनींना महाविद्यालयातील शिस्त, नियमित उपस्थिती, अभ्यासातील सातत्य आणि व्यक्तिमत्त्व विकास यांचे महत्त्व पटवून दिले.
कार्यक्रमास महाविद्यालयातील सर्व शिक्षक, शिक्षकेतर कर्मचारी, संस्थेचे पदाधिकारी व विद्यार्थिनी मोठ्या संख्येने उपस्थित होते. नवागत विद्यार्थिनींसाठी हा कार्यक्रम आनंददायी व प्रेरणादायी ठरला.