no images were found
कोल्हापूरच्या महिला पत्रकारांनी संभाजी भिडे यांचा केला जाहीर निषेध
कोल्हापूर : ‘आधी टिकली लाव मग प्रश्नाचे उत्तर देतो,’ असं म्हणणाऱ्या संभाजी भिडे यांचा कोल्हापुरातील प्रसार माध्यमातील महिला पत्रकारांनी एकत्रित येत आज दसरा चौकात निषेध नोंदवला. यावेळी, टिकली लावणे हा प्रत्येक महिलेची वैयक्तिक गोष्ट आहे. त्यामुळे भिडे गुरुजींनी महिलांची माफी मागावी व विधान मागे घ्यावे अशी महिला पत्रकारांनी मागणी केली.
यावेळी ‘भिडे गुरुजींचा धिक्कार असो’, ‘आधी टिकली लाव मग मी तुझ्या प्रश्नाचे उत्तर देतो’ असे म्हणणाऱ्या भिडे गुरुजींचा धिक्कार असो अशा घोषणा यावेळी देण्यात आल्या. या आंदोलनात सुनंदा मोरे, शुभांगी तावरे, श्रद्धा जोगळेकर, अश्विनी खोंद्रे, सीमा पवार, दीक्षा घोरपडे, अर्पणा माने, अहिल्या परकाळे, कल्याणी अमनगी, अर्चना बनगे, क्षनिक्षा धनवडे आदी महिला पत्रकार सहभागी होत्या.
