no images were found
७८ वा एनसीसी स्थापना दिवस उत्साहात साजरा
कोल्हापूर, : एनसीसी गट (मुख्यालय) कोल्हापूरतर्फे ७८ वा एनसीसी स्थापना दिवस २२ व २३ नोव्हेंबर रोजी मोठ्या उत्साहात साजरा करण्यात आला.
यामध्ये कोल्हापूर, सांगली, सातारा, कराड, रत्नागिरी आणि सिंधुदुर्ग जिल्ह्यांमधील सर्व युनिट्स आणि शैक्षणिक संस्था यांनी उत्स्फूर्त सहभाग नोंदविला.एनसीसीची शिस्त, नेतृत्व गुण व समाजाभिमुखता या मूल्यांना पुनः अधोरेखित करण्यासाठी यावेळी विविध उपक्रमांचे आयोजन करण्यात आले.याप्रसंगी सर्व बटालियन,संस्थां मध्ये एनसीसी डे परेड,ध्वजारोहण,एनसीसी गाण्याचे सादरीकरण आणि प्रतिज्ञाविधी तसेच सार्वजनिक ठिकाणे,शाळा व युद्ध स्मारकांमध्ये स्वच्छता अभियान आदी उपक्रम राबविण्यात आले.
त्याचबरोबर निबंध,वादविवाद,प्रश्नमंजुषा आणि पोस्टर-मेकिंग स्पर्धा घेण्यात आल्या.रत्नागिरी – सिंधुदुर्ग जिल्ह्यांनी वरील उपक्रमांसह समुद्र किनारी व जलसंपन्न भागांत विशेष स्वच्छता अभियान राबवून पर्यावरण व सागरी परिसंस्थेबाबत जनजागृती केली. या ७८ व्या दिनानिमित्ताने ब्रिगेडियर आर.के.पैठणकर,गट कमांडर,एनसीसी गट मुख्यालय कोल्हापूर येथील सर्व अधिकारी, प्रशिक्षक कर्मचारी, एएनओ यांनी सहभागी सर्व एनसीसी कॅडेट्सचे विशेष अभिनंदन करून त्यांना शुभेच्छा दिल्या .
