शाही दसरा महोत्सव बुद्धिबळ स्पर्धेत श्रीराज महिमा व वन्शील अजिंक्य ; आदित्य, अभय व शौर्य उपविजेते तर सोहम,स्वरूप व अद्वैत तृतीय.             

Oplus_131072

शाही दसरा महोत्सव बुद्धिबळ स्पर्धेत श्रीराज महिमा व वन्शील अजिंक्य ; आदित्य, अभय व शौर्य उपविजेते तर सोहम,स्वरूप व अद्वैत तृतीय.                                                     कोल्हापूर(प्रतिनिधी):- कुस्ती संकुल nहॉल, क्रीडा अधिविभाग शिवाजी विद्यापीठ कोल्हापूर येथे जिल्हा प्रशासन कोल्हापूर चेस असोसिएशन कोल्हापूर यांच्या संयुक्त विद्यमाने शाही दसरा महोत्सव अंतर्गत आयोजित केलेल्या बुद्धिबळ स्पर्धा आज संपन्न झाल्या. या स्पर्धेसाठी शिरगावकर ग्रुप ऑफ कंपनी, एस एस रिटेल प्रायव्हेट लिमिटेड व बी.जी.चितळे (चितळे डेअरी) हे सहप्रायोजक म्हणून लाभले तर राज्यमंत्री नामदार चंद्रकांत दादा पाटील यांचेही विशेष सहकार्य मिळाले. खुला गट, 16 वर्षाखालील खालील मुला-मुलींचा गट व दहा वर्षाखालील मुला मुलींचा गट अशा तीन गटात स्वतंत्रपणे झालेल्या स्पर्धेत प्रत्येक गटात स्विस् लीग पद्धतीने एकूण सात फेऱ्या झाल्या. अंतिम सातव्या फेरीनंतर खुल्या गटात अग्रमानांकित रेंदाळाच्या श्रीराज भोसलेने सात पैकी साडेसहा गुण करून अजिंक्यपद पटकावले. त्याला रोख सात हजार रुपये व चषक देऊन गौरविण्यात आले. चौथा मानांकित कोल्हापूरच्या आदित्य सावळकर ला सहा गुण व 33 सरस टायब्रेक गुणामुळे उपविजेतेपदाचा मान मिळाला. त्याला रोख पाच हजार रुपये व चषक देऊन गौरवण्यात आले तर पाचवा मानांकित कोल्हापूरच्या सोहम खासबारदारला सहा गुण व 32 टायब्रेक गुनासह तृतीय स्थानावर समाधान मानावे लागले. सोहमला रोख तीन हजार रुपये व चषक देऊन गौरविले. सोळा वर्षाखालील मुला मुलींच्या गटात पाचवी मानाकित कोल्हापूरच्या महिमा शिर्केने साडेसहा गुण व 37 सरस टायब्रेक गुण मिळवून अजिंक्य पदाला गवसणी घातली तिला रोख तीन हजार रुपये व चषक देऊन गौरवण्यात आले. अग्रमानांकित जांभळीच्या अभय भोसले ला साडेसहा गुण व 36 टायब्रेक गुण मिळवून उपविजेतेपदावर संतुष्ट व्हावे लागले. रोख दोन हजार रुपये व चषक देऊन सन्मानित केले द्वितीय मानांकित गडहिंग्लज चा स्वरूप साळवे सहा गुण व 33 टायब्रेक गुण मिळवून तृतीय स्थान संपादन केले. स्वरुपला 1000 रुपये व चषक देऊन गौरविले. दहा वर्षाखालील मुला मुलींच्या गटात द्वितीय मानांकित कोल्हापूरचा वन्शील ठक्कर ने साडेसहा गुण व 34 टायब्रेक गुण मिळवून अजिंक्यपद पटकाविले वन्सिलला रोख तीन हजार रुपये व चषक देऊन गौरविले. अग्रमानांकित इचलकरंजीच्या शौर्य खावट ला साडेसहा गुण व 30 टायब्रेक गुणासह उपविजेतेपद मिळविले त्याला रोख दोन हजार रुपये व चषक देऊन सन्मानित केले. बिगर मानांकित कोल्हापूरचा अद्वैत कुलकर्णी ने सहा गुण व 29 टायब्रेक गुण मिळवून तृतीय स्थान निश्चित केले. अद्वैतचा रोख 1000 रुपये व चषक देऊन सन्मान करण्यात आला. स्पर्धेचा बक्षीस समारंभ राज्यपाल नियुक्त शिवाजी विद्यापीठाच्या व्यवस्थापन समितीचे सदस्य सिद्धार्थ शिंदे, महाराष्ट्र राज्य विक्रीकर निरीक्षक रूपाली आपटेकर-पाटील,सचिन वणीरे, प्रीती शिर्के व महेश व्यापारी यांच्या हस्ते करण्यात आला. यावेळी व्यासपीठावर फिडे इन्स्ट्रक्टर मनीष मारुलकर, चेस असोसिएशन कोल्हापूरचे उपाध्यक्ष धीरज वैद्य, कॅंडिडेट मास्टर अनिश गांधी, खजिनदार प्रीतम घोडके व उमेश पाटील उपस्थित होते. आंतरराष्ट्रीय पंच भरत चौगुले यांनी प्रास्ताविक व कार्यक्रमाचे सूत्रसंचालन केले. स्पर्धा यशस्वी करण्यासाठी वरिष्ठ राष्ट्रीय पंच करण परीट, आरती मोदी, रोहित पोळ, उत्कर्ष लोमटे, विजय सलगर,अभिजीत चव्हाण, मारुती गडेड व इंग्रजीत कर्वे यांनी अथक परिश्रम केले. इतर बक्षीस विजेते *खुलागट* 4) ऋषिकेश कबनूरकर कोल्हापूर 5) प्रज्वल मुधाळे हुपरी 6) श्रीधर तावडे कोल्हापूर 7) अनिश गांधी कोल्हापूर 8) मयुरेश पाटील जयसिंगपूर 9) प्रणव पाटील कोल्हापूर10) सारंग पाटील कोल्हापूर11) विवान सोनी इचलकरंजी 12) तन्मय पवार इचलकरंजी 13) शंतनू पाटील कोल्हापूर 14) संतोष कांबळे कोल्हापूर 15) शंकर सावंत उत्तुर *उत्कृष्ट महिला बुद्धिबळपटू* 1) तृप्ती प्रभू कोल्हापूर 2) सृष्टी कुलकर्णी कोल्हापूर 3) रेशमा नलवडे इचलकरंजी *उत्कृष्ट साठ वर्षावरील जेष्ठ बुद्धिबळपटू* 1) माधव देवस्थळी कोल्हापूर 2) रवींद्र कुलकर्णी कोल्हापूर 3) मिलिंद कुलकर्णी कोल्हापूर *सोळा वर्षाखालील मुला मुलींचा गट* 4) प्रणव मोरे कोल्हापूर 5) अर्णव पोर्लेकर कोल्हापूर 6) सृष्टी जोशी राव कोल्हापूर 7) आदित्य घाटे कोल्हापूर 8) श्रवण ठोंबरे हातकणंगले 9) सर्वेश पोतदार कोल्हापूर 10) मानस महाडेश्वर कोल्हापूर *15 वर्षाखालील उत्कृष्ट बुद्धिबळपटू* मुले:-1) अथर्व तावरे इचलकरंजी 2) रुद्र माने इचलकरंजी 3) आदित्य कोळी इचलकरंजी 4) अथर्व कुंभार कोल्हापूर 5) श्रेयस कांबळे कोल्हापूर मुली:-1) स्नेहल गावडे कोल्हापूर 2) भक्ती पाटील केखले . *तेरा वर्षाखालील उत्कृष्ट बुद्धिबळपटू* मुले:-1) प्रेम निचल सेनापती कापसे 2) सिद्धेश वड्डे इचलकरंजी 3) श्रेणिक देसाई इचलकरंजी 4) प्रथमेश व्यापारी कोल्हापूर 5) आरुष ठोंबरे कोल्हापूर मुले:- 1) सिद्धी कर्वे जयसिंगपूर 2) नंदिनी सारडा इचलकरंजी 3) आरोही बनसोडे कोल्हापूर 4) मृणाल पांडव कबनूर 5) जानवी स्वामी सावे अकरा वर्षाखालील उत्कृष्ट बुद्धिबळपटू मुली:-1) अन्वय भिवरे कोल्हापूर 2) अरिजीत पाटील कोल्हापूर 3) वरद बाबर गडहिंग्लज 4) सार्थ माळी कोल्हापूर 5) समेक कांबळे भिवरेवाडी मुली:- 1) प्राप्ती चिखलीकर कोल्हापूर 2) मैथिली केने दानोळी *दहा वर्षाखालील मुला मुलींचा गट* 4) सांची बजाज इचलकरंजी 5) श्रीतेज वाली कोल्हापूर 6) आरोही दिगोळे कोल्हापूर 7) अमेय अरभावी गडहिंग्लज 8) अवनीश बडवे इचलकरंजी 9) रुद्रवीर पाटील गडहिंग्लज 10) आरुष पाटील गडहिंग्लज *नऊ वर्षाखालील उत्कृष्ट बुद्धिबळपटू* मुले:-1) अवनीश जितकर कोल्हापूर 2) ऋतुराज पाटील शिरोळ 3) शाहू पाटील पेठ वडगाव 4) संस्कार वनीरे कोल्हापूर 5) शिवतेज वाली कोल्हापूर मुली:-1) अद्विता ऐतवडे इचलकरंजी 2) मनस्वी शिरगुरे नांदणी 3) अक्सा मुजावर कोल्हापूर *सात वर्षाखालील उत्कृष्ट बुद्धिबळ पटू* मुले:-1) आयुष माने कोल्हापूर 2) सुयोग काकणी इचलकरंजी 3) रिधान करवा इचलकरंजी 4) जोहान शेख इचलकरंजी 5) कर्तव्य गुन्देशा कोल्हापूर मुली:-1) हिंदवी पाटील कोल्हापूर 2) जिजा सावर्डेकर कोल्हापूर *सर्वात लहान सहभागी बुद्धिबळपटू*. 1) कबीर कुलकर्णी कोल्हापूर 2) श्रेयस पांडव कबनूर 3) वेदांत हल्बे कोल्हापूर