no images were found
राज्यस्तरीय शालेय हँडबॉल क्रीडा स्पर्धेचे जिल्हाधिकारी डॉ. विजय राठोड यांच्या हस्ते उद्घाटन : १४ वर्षांखालील मुले व मुलींच्या स्पर्धेत राज्यभरातील खेळाडूंचा सहभाग
कोल्हापूर, : क्रीडा व युवक सेवा संचालनालय, महाराष्ट्र राज्य, पुणे अंतर्गत उपसंचालक कार्यालय, क्रीडा व युवक सेवा, कोल्हापूर विभाग, श्री प्रिन्स शिवाजी मराठा बोर्डिंग हाऊस संचलित महाराष्ट्र हायस्कूल व ज्युनिअर कॉलेज, कोल्हापूर तसेच कोल्हापूर जिल्हा हौशी हँडबॉल असोसिएशन यांच्या संयुक्त विद्यमाने आयोजित राज्यस्तरीय शालेय हँडबॉल (१४ वर्षांखालील मुले व मुली) क्रीडा स्पर्धेचे उद्घाटन जिल्हाधिकारी डॉ. विजय राठोड यांच्या हस्ते करण्यात आले.
यावेळी क्रीडा व युवक सेवा विभागाचे उपसंचालक सुहास पाटील, श्री प्रिन्स शिवाजी मराठा बोर्डिंग हाऊसचे व्हा. चेअरमन डी.जी. किल्लेदार, महाराष्ट्र हॅण्डबॉल असोसिऐशन सचिव राजाराम राऊत, एस.व्ही. सुर्यवंशी आदी मान्यवर उपस्थित होते.
सन २०२६-२७ मधील राज्यस्तरीय शालेय हँडबॉल क्रीडा स्पर्धेचे आयोजन महाराष्ट्र हायस्कूल व ज्युनिअर कॉलेज, कोल्हापूर येथे करण्यात आले आहे. १४ वर्षांखालील मुले व मुलींसाठी ही स्पर्धा दि. १० ते १२ ऑक्टोबर २०२६ या कालावधीत संपन्न होणार आहे. या स्पर्धेमध्ये मुलांचे ९ संघ आणि मुलींचे ८ संघ, असे एकूण १७ संघ सहभागी होणार आहेत. प्रत्येक संघासोबत १६ खेळाडू तसेच १ प्रशिक्षक व १ व्यवस्थापक यांचा समावेश नियोजित आहे. या स्पर्धेत मुलांचे संघ ९, मुलींचे संघ-८, एकूण सहभागी संघ-१७, निवड चाचणी खेळाडू व एकूण खेळाडू-२७२, पंच व तांत्रिक अधिकारी, स्वयंसेवक, निवड समिती सदस्य-५०, खेळाडू निवड चाचणीसाठी नियोजित संख्या-८० एकूण सहभाग संख्या ४०२ अशी असणार आहेत.
या स्पर्धेच्या अनुषंगाने राज्याच्या विविध भागांतून सहभागी होणाऱ्या खेळाडूंचे आरोग्य, सुरक्षितता आणि सोयी-सुविधांचा विचार करून महाराष्ट्र हायस्कूल, कोल्हापूर येथे निवासाचे नियोजन करण्यात आले आहे.
