no images were found
हद्दवाढीसाठी उपमुख्यमंत्री नाम.एकनाथ शिंदे यांच्या उपस्थितीत रोजी मंत्रालयात बैठक;
मुंबई (प्रतिनिधी): कोल्हापूर नगरपालिकेचे दि.१५ डिसेंबर १९७२ रोजी महानगपालीकेत रुपांतर करण्यात आले. परंतु, महानगरपालिकेत रुपांतर करताना नगरपालिकेच्या असणाऱ्या क्षेत्रफळावरच रुपांतर झाल्याने महानगरपालिकेची हद्दवाढ झाली नाही. सन १९७२ पासून एक इंचही हद्दवाढ झाली नसल्याने कोल्हापूरच्या विकासावर मर्यादा येत आहेत. त्यामुळे कोल्हापूर शहराच्या हद्दवाढीबाबत मंत्रालय स्तरावर बैठकीचे आयोजन करावे, अशी मागणी आमदार राजेश क्षीरसागर यांनी केली होती. आमदार राजेश क्षीरसागर यांच्या पाठपुराव्यास यश प्राप्त झाले असून, सोमवार दि.२४ मार्च २०२५ रोजी दुपारी २.०० वाजता मंत्रालय, मुंबई येथे उपमुख्यमंत्री व नगरविकास मंत्री एकनाथ शिंदे यांच्या उपस्थितीत बैठकीचे आयोजन आयोजन करण्यात आले आहे.
याबैठकीस पालकमंत्री ना.प्रकाश आबिटकर, राज्य नियोजन मंडळाचे कार्यकारी अध्यक्ष आमदार राजेश क्षीरसागर, आमदार चंद्रदीप नरके, आमदार अमल महाडिक यांच्यासह जिल्हाधिकारी कोल्हापूर, मुख्य कार्यकारी अधिकारी जिल्हा परिषद कोल्हापूर, आयुक्त कोल्हापूर महानगरपालिका व संबधित अधिकारी उपस्थित राहणार आहेत.
सद्या राज्यात कोल्हापूर महानगरपालिका हि सर्वात लहान क्षेत्रफळ असणारी एकमेव महानगरपालिका ठरत आहे. कोल्हापूर महानगरपालिकेची हद्दवाढ व्हावी, हि कोल्हापूर वासीयांची गेली कित्तेक वर्षांची मागणी आहे. याबाबत अनेक आंदोलने झाली आहेत. शहराच्या एका बाजूला पूरबाधित क्षेत्राची ब्ल्यू लाईन असल्याने सदर ठिकाणी विकासाच्या दृष्टीने कोणतीही उपाययोजना केली जाऊ शकत नाही. यासह गेल्या काही वर्षात वाढलेल्या लोकवस्तीमुळे पर्यटन स्थळे, उद्याने, मैदाने, वाहतूक व पार्किंग समस्यां मोठ्या प्रमाणात उद्भवत आहेत. आमदार राजेश क्षीरसागर यांनी सन २०१६ मध्ये विधानसभेच्या पायऱ्यांवर हद्दवाढी साठी आमरण उपोषण केले होते. शहराची हद्दवाढ ही विकासाच्या दृष्टीने नैसर्गिक प्रक्रिया आहे. महाराष्ट्र राज्याचा विचार करता पुणे, ठाणे, संभाजीनगर, नाशिक या महानगरपालिकेच्या हद्दवाढ अनेकवेळा झाल्याने ही शहरे विकासाच्या दृष्टीने मार्गक्रमण करीत आहेत. पुणे महानगरपालिकेची तब्बल १२ वेळा हद्दवाढ करण्यात आली आहे. परंतु कोल्हापूर शहर हद्दवाढी अभावी भकास होत चालले आहे. शहराची हद्दवाढ झाली तर नक्कीच महानगरपालिकेचे आर्थिक उत्पनात वाढ होवून खऱ्या अर्थाने शहराचा विकास साधता येणार आहे. यासह केंद्र व राज्य शासनाच्या लोकसंखेच्या आधारावरील सर्व विकासकामांना निधी मिळू शकणार आहे. सन २०२१ मध्ये कोल्हापूर दौऱ्यावर असताना उपमुख्यमंत्री एकनाथ शिंदे यांनी कोल्हापूर महानगरपालिकेच्या हद्दवाढी बाबत प्रस्ताव सादर करण्याच्या सूचना कोल्हापूर महानगरपालिका प्रशासनास दिल्या होत्या. यामध्ये फेरबदल करून प्राथमिक स्वरूपात राष्ट्रीय महामार्गालगतची गावे हद्दवाढीत समाविष्ठ करावीत असे प्रस्तावित करण्यात आले आहे. याबाबत आमदार राजेश क्षीरसागर यांनी सुरु असलेल्या अधिवेशनात पाठपुरावा केला असून, या पाठपुराव्यास यश प्राप्त झाले आहे. हद्दवाढी संदर्भात सोमवारी मंत्रालयात बैठकीचे आयोजन करण्यात आले आहे.
