no images were found
एसयूडी लाईफचा क्लेम सेटलमेंट अनुभवात सतत सुधारणा करण्याचा प्रवास
कोल्हापुर: २००९ पासून भारतीय जीवन विमा क्षेत्रात स्टार युनियन दाई-इची लाइफ इन्शुरन्स कंपनी लिमिटेड (एसयूडी लाइफ) एक विश्वासार्ह नाव आहे. नावीन्यपूर्णता, कार्यक्षमता आणि ग्राहक-केंद्रिततेवर लक्ष केंद्रित करून कंपनीने त्यांच्या एका आर्थिक वर्षात बरेच दावे निकाली काढत (क्लेम सेटलमेंट) अनुभवक्रांती घडवली आहे. एसयूडी लाइफ एक विश्वासार्ह भागीदार म्हणून उदयास आले आहे, जीवनाच्या कठीण काळात ते आर्थिक सुरक्षा प्रदान करते.
एसयूडी लाइफची क्लेम सेटलमेंट कामगिरी पॉलिसीधारकांप्रती असलेली त्यांची कठिबद्धता दर्शवते, सेटलमेंट टक्केवारी(रेशो) मध्ये वर्षानुवर्षे सुधारणा होत आहेत:
| आर्थिक वर्ष | वैयक्तिक दावे | समूह दावे | पीएमजेजेबीवाय* दावे |
| २०२१-२२ | ९७.४२ % | ९७.९५ % | ९८.२६ % |
| २०२२-२३ | ९६.०७ % | ९७.३७ % | ९६.०० % |
| २०२३-२४ | ९८.२९ % | ९५.५३ % | ९९.०९ % |
केवळ आर्थिक वर्ष २०२३-२४ मध्ये, एसयूडी लाइफने ₹१२०.९७ कोटी किमतीचे १,९९२ वैयक्तिक मृत्यू दावे, ₹१५९.१६ कोटी किमतीचे २,१९० गट दावे आणि ₹३४७.७२ कोटी किमतीचे १७,३८६ पीएमजेजेबीवाय* मृत्यू दावे यशस्वीरित्या निकाली काढले.
दाव्याच्या निपटारा गुणोत्तरात सातत्याने वाढ दर्शवत, एसयूडी लाइफने त्याच्या कार्यक्षमतेचे, सतत सुधारणा करण्याची वचनबद्धतेचे आणि सर्वात महत्त्वाच्या क्षणांमध्ये त्वरित मदत करण्याची क्षमता दाखवली आहे.
विश्वासाच्या या पायावर उभारणी करून, एसयूडी लाईफने त्यांच्या नाविन्यपूर्ण डिजिक्लेम्स प्लॅटफॉर्मद्वारे दाव्यांच्या अनुभवात आणखी बदल घडवून आणला आहे, जो दाव्यांचा निपटारा (क्लेम सेटलमेंटला )जलद, अधिक पारदर्शक आणि उल्लेखनीयपणे अखंड करण्यासाठी डिझाइन केलेला आहे. डिजिटल प्रवासातील एक महत्त्वाचा टप्पा, डिजिक्लेम्स ग्राहकांना एक सहज “क्लिक टू क्लेम” अनुभव प्रदान करतो, ज्यामुळे पात्र दावे २४ तासांच्या आत प्रक्रिया केले जातात आणि जलद पेमेंट सुनिश्चित होतात. लाभार्थी आणि दावेदारांना एसएमएस, ईमेल, व्हॉट्सअॅप आणि पत्रांद्वारे रिअल-टाइम अपडेट्स प्रदान करून, प्रत्येक टप्प्यावर आश्वासन देऊन, हा प्लॅटफॉर्म पारदर्शकता वाढवतो. त्याचबरोबर, हा प्लॅटफॉर्म सुलभ दस्तऐवज (कागदपत्र) सादरीकरण आणि ट्रॅकिंगची सुविधा पुरवतो, जे वापरकर्ता-सुलभता वाढवते आणि अपवादात्मक सेवा प्रदान करण्यासाठी एसयूडी लाईफची वचनबद्धता मजबूत करते.
या तंत्रज्ञानात्मक प्रगतीमुळे एसयूडी लाईफच्या दाव्याच्या निपटारा वेळेत (क्लेम सेटलमेंट टाईमलाईन) लक्षणीय सुधारणा झाली आहे, ज्यामुळे आर्थिक वर्ष २०२२-२३ मधील सरासरी प्रक्रिया वेळ ११ दिवसांवरून आर्थिक वर्ष २०२३-२४ मध्ये फक्त ७ दिवसांवर आला आहे. ही प्रगती कंपनीची कार्यक्षमता आणि ग्राहकांच्या समाधानासाठी दृढ वचनबद्धता अधोरेखित करते, ज्यामुळे वैध दावे जलद आणि अखंडपणे निकाली काढले जातात याची खात्री होते.
