मेडसिस पॅथलॅब्समधील १००% भांडवली हिस्सा मणिपाल हेल्थमॅपकडून खरेदी

  एका मोठ्या घडामोडी मध्ये,  निदान सेवा देण्यात आघाडीवर असलेल्या बंगळुरू स्थित  मणिपाल हेल्थमॅपने हैदराबादमधील आधारित मेडसिस पॅथलॅब्समधील १००% भांडवली हिस्सा खरेदी केला आहे. मणिपाल ट्रू टेस्ट या  आपल्या पालक ब्रँड अंतर्गत, मणिपाल हेल्थमॅपने 23 अतिरिक्त केंद्रांसह आपले  पाऊल विस्तारले आहे. त्यामुळे १६  राज्यांमध्ये आता एकूण  १००  केंद्र  होण्याबरोबरच  एक प्रमुख एकात्मिक निदान सेवा ब्रँड म्हणून आपले स्थान भक्कम केले आहे.मणिपाल हेल्थमॅपने गेल्या वर्षात  मेडसिस पॅथलॅब्समधील बहुसंख्य ८४ % भांडवली हिस्सा  संपूर्णपणे रोख व्यवहारामध्ये १००  कोटी रुपयांना खरेदी केला.  उर्वरित १६ % हिस्सा ताज्या व्यवहारात विकत घेतला  आहे.

हैदराबाद येथे मुख्यालय असलेल्या मेडसिस पॅथलॅबच्या सध्या देशभरात २३ प्रयोगशाळा आहेत. हैदराबादमधील केंद्रीय प्रयोगशाळेकडे एनएबीएलची मान्यता आहे आणि ती मॉलक्युलर, सायटोजेनेटिक्स, हिस्टोपॅथॉलॉजी आणि मायक्रोबायोलॉजीमध्ये विशेषज्ञ आहे. उर्वरित  प्रयोगशाळांकडून बायोकेमिस्ट्री, हेमॅटोलॉजी आणि इम्युनोलॉजी चाचण्यांसाठी सर्वसमावेशक सेवा देण्यात येतात.

मणिपाल हेल्थमॅप त्याच्यायांच्या अत्याधुनिक तंत्रज्ञानासाठी, परवडण्याजोग्या प्रवेशासाठी आणि त्याच्या सर्व केंद्रांवर उच्च-स्तरीय क्लिनिकल परिणाम देण्यासाठी  ओळखले जाते. मणिपाल हेल्थमॅपची एकात्मिक निदान केंद्रे निदान सेवांची विस्तृत श्रेणी देतात. या केंद्रात  कोणीही रक्त चाचण्या, एक्सरे किंवा एमआरआय स्कॅन यांसारख्या विविध प्रकारच्या चाचण्या आणि स्कॅन सुविधा प्राप्त करू शकतात. रुग्णांसाठी देखील हे सोयीस्कर ठरते आणि डॉक्टरांना तुमच्या आरोग्याचे संपूर्ण चित्र मिळविण्यास मदत करते. मणिपाल हेल्थमॅप रेडिओलॉजी आणि पॅथॉलॉजी  या दोन्ही क्षेत्रांना समान महत्त्व देते, जे बी२जी , बी२बी, बी २ सी आणि कॉर्पोरेट विभागांसह विविध क्षेत्रांची पूर्तता करते.

या घडामोडींवर भाष्य करताना,  मणिपाल हेल्थमॅपचे मुख्य कार्यकारी अधिकारी डॉ. (कॅप्टन) संदीप शर्मा, म्हणाले, “मणिपाल समूहातील सर्वात मोठा एकात्मिक निदान सेवा ब्रँड बनण्याचा हा आणखी एक प्रयत्न आहे.मणिपाल हेल्थमॅप कुटुंबात मेडसिस पॅथलॅब्सचे अधिग्रहण झाल्याचा  आम्हाला आनंद झाला आहे आणि या अधिग्रहणासह, आम्ही जागतिक दर्जाच्या निदान सेवा प्रदान करण्यासाठी मोठी झेप घेत आहोत. आम्ही आता या या अधिग्रहणासह १६ राज्यांमधील ५० लाख समाधानी ग्राहकांना सेवा देत आहोत. हे नवीनतम तंत्रज्ञानासह उच्च-गुणवत्तेची आणि किफायतशीर रेडिओलॉजी आणि पॅथॉलॉजीसेवा उपलब्ध करून देण्याच्या आमच्या अतुलनीय वचनबद्धतेचे द्योतक आहे.”

डॉ. शर्मा यांनी देखील , मेडसिस पॅथलॅबचे मुख्य कार्यकारी अधिकारी डॉ. भरत कुमार अनगानी हे मणिपाल हेल्थमॅपमध्ये मेडसिस पॅथलॅब्सचे अखंड एकीकरण सुनिश्चित करण्यासाठी निर्णायक भूमिका बजावत राहतील याची पुष्टी केली. संयुक्त कंपनीकडे पुणे, दिल्ली-एनसीआर, बेंगळुरू, कोल्हापूर आणि नागपूर या  ठिकाणी त्याच्या प्रयोगशाळांच्या  एकत्रित बॅक-एंड कामकाजाची जबादारी असेल. मणिपाल हेल्थमॅप आयजेनेटिक डायग्नोस्टिकबरोबर विलीनीकरण करण्याच्या प्रक्रियेसाठी नियामक मंजुरी मिळण्याच्या प्रगत टप्प्यावर आहे.