संभाजी राजे छत्रपती यांचे न्यूयॉर्कमध्ये ढोल ताशाच्या गजरात स्वागत

न्यूयॉर्क/कोल्हापूर : कोल्हापुरच्या मराठा राजघराण्याचे सदस्य आणि राज्यसभेचे माजी सदस्य, श्री संभाजी राजे छत्रपती यांचे अमेरिकेतील न्यूयॉर्क शहरात साजऱ्या झालेल्या ४१व्या भारत दिन परेडमध्ये, ढोल ताशाच्या गजरात स्वागत करण्यात आले. ही परेड, हा भारताबाहेरील भारतीयांचा जगातील सर्वात मोठा वार्षिक मेळावा आहे.

श्री संभाजी राजे छत्रपती, जे सध्या युनायटेड स्टेट्स ऑफ अमेरिका दौऱ्यावर आहेत, त्यांना महाराष्ट्र वंशाच्या भारतीय-अमेरिकनांनी या कार्यक्रमासाठी आमंत्रित केले होते. अल्बानी आणि जल्लोष सांस्कृतिक गटाने पारंपरिक ढोल ताशा सादर केला.

या कार्यक्रमात बोलताना, श्री राजे म्हणाले, “आमच्या ७७व्या स्वातंत्र्य दिनानिमित्त भारत दिन परेडचा एक भाग म्हणून, न्यूयॉर्क आणि न्यू जर्सी राज्यातील अल्बानी आणि जल्लोश सांस्कृतिक गटाच्या ढोल ताशा सादरीकरणाला उपस्थित राहून खूप आनंद झाला. न्यूयॉर्क शहरातील या सुंदर एनआरआय जमावाच्या कामगिरीने दाखवलेल्या भावनांचे वर्णन शब्दात करता येणार नाही. त्यांनी ज्या जोमाने सादरीकरण केले ते खरोखरच विस्मयकारक होते. छत्रपती शिवाजी महाराज आणि महाराष्ट्रीय संस्कृती आणि परंपरेबद्दलचे प्रेम पाहून खूप आनंद झाला.”

या वर्षीच्या भारत दिन परेडची थीम “मिशन लाइफ” होती, ज्याचा उद्देश जगभरातील लोकांना या ग्रहाचे संरक्षण आणि जतन करण्यासाठी एकत्र काम करण्यासाठी आणणे आहे. या कार्यक्रमात अभिनेत्री सामंथा रुथ प्रभू आणि जॅकलीन फर्नांडिस, आध्यात्मिक नेते श्री श्री रविशंकर आणि न्यूयॉर्क शहराचे महापौर, एरिक एडम  यांच्यासह अनेक मोठ्या लोकांचा सहभाग होता. संपूर्ण कार्यक्रमाचे आयोजन फेडरेशन ऑफ इंडिया असोसिएशन, या न्यूयॉर्कमधील प्रमुख संघटनेने केले होते.

भारताच्या स्वातंत्र्य दिना विषयीच्या श्रद्धेतून, न्यू यॉर्कमध्ये इंडिया डे परेड साजरी केली जाते, ज्यामध्ये हजारो भारतीय-अमेरिकन दरवर्षी भारताच्या चैतन्यशील आणि वैविध्यपूर्ण संस्कृती तसेच देशभक्तीचा उत्सव साजरा करण्यासाठी एकत्र येतात. ही परेड २० ऑगस्ट रोजी न्यूयॉर्कमधील ३८ व्या स्ट्रीट आणि मॅडिसन अव्हेन्यू येथे आयोजित करण्यात आली होती आणि या वर्षीच्या कार्यक्रमामध्ये, सहभागींनी सणाच्या पोशाखात नाचत, पारंपारिक ढोल वाजवले होते.