no images were found
भाजपा कोल्हापूर जिल्हा नूतन कार्यालयाचा शुभारंभ
कोल्हापूर मधील नागाळा पार्क येथे अत्याधुनिक तंत्रज्ञानाने सुसज्ज अशा राज्यातील भाजपा कार्यकर्त्यांसाठी पहिल्या समर्पित नवीन जिल्हा कार्यालयाचा शुभारंभ राज्याचे उच्च व तंत्रशिक्षण, वस्त्रोद्योग आणि संसदीय कार्य मंत्री चंद्रकांतदादा यांच्या प्रमुख उपस्थितीत झाला. आगामी काळात हे कार्यालय लोकसवेचे प्रमुख केंद्र ठरेल, असा विश्वास नामदार पाटील यांनी यावेळी व्यक्त केला.
केंद्रीय गृहमंत्री अमित शाह यांनी देशभरातील सर्व कार्यकर्त्यांना उद्देशून भाजपाचे प्रत्येक जिल्ह्यात सर्व सोईसुविधांनी सुसज्ज असे कार्यालय असावे, असा आग्रह धरला होता. त्याला अनुसरून कोल्हापूर जिल्ह्यातील भाजपाच्या सर्व कार्यकर्त्यांसाठी नागाळा पार्क येथे अत्याधुनिक तंत्रज्ञानाने युक्त असे कार्यालय उभारण्यात आले आहे.
राज्यातील भाजपा कार्यकर्त्यांसाठीचे हे पहिले समर्पित कार्यालय आहे. संपूर्ण राज्यभरातून बैठकीसाठी कोल्हापुरात येणाऱ्या पदाधिकाऱ्यांसाठी कॉन्फरन्स हॉल, अध्यक्ष आणि इतर पदाधिकाऱ्यांसाठीचे विशेष दालन, अत्याधुनिक तंत्रज्ञानाने सुसज्ज असा सायबर विभाग, ग्रंथालय अशा विविध विभागांनी सुसज्ज करण्यात आले आहे.
स्वातंत्र्यवीर सावरकर यांच्या जयंतीचे औचित्य साधून रविवारी या कार्यालयाचा शुभारंभ करण्यात आला. यावेळी जिल्ह्यातून येणाऱ्या कार्यकर्त्यांनी कार्यालय पाहून आनंद व्यक्त केला. “भारतीय जनता पक्ष हा कार्यकर्त्यांचा पक्ष आहे. पंडित दीनदयाळ उपाध्याय यांनी सांगितलेला अंत्योदयचा मंत्र घेऊन, भाजपाचे कार्यकर्ते अहोरात्र सेवाकार्य करत असतात. त्यामुळे आगामी काळात हे कार्यालय लोकसवेचे प्रमुख केंद्र ठरेल,” असा विश्वास राज्याचे उच्च व तंत्रशिक्षण मंत्री चंद्रकांतदादा पाटील यांनी यावेळी व्यक्त केला.
यंदाचा वाढदिवस आरोग्य सेवेसाठी समर्पित
राज्याचे उच्च व तंत्रशिक्षण वस्त्रोद्योग आणि संसदीय कार्य मंत्री चंद्रकांतदादा पाटील हे आपला वाढदिवस दरवर्षी लोकसेवेसाठी समर्पित करत असतात. त्यासाठी कार्यकर्त्यांनी हार, फुले आणि बुके नको, जनसेवेसाठी आर्थिक मदत करण्याचे आवाहन करतात. यंदा त्यांनी आपल्या १० जून रोजीच्या वाढदिवस आरोग्यासाठी समर्पित केला आहे. प्रदीर्घ आजारांवर मात करताना आर्थिकदृष्ट्या दुर्बल कुटुंबाची होणारी ओढाताण टाळण्यासाठी आर्थिक मदत करण्याचे आवाहन नामदार चंद्रकांतदादा पाटील यांनी केले आहे.
