महावितरणच्या अपर्णा महाडीक रोलबॉल विश्वचषक संघाच्या व्यवस्थापक

 कोल्हापूर : रोलबॉल फेडरेशन ऑफ इंडियाच्या वतीने अपर्णा महाडीक यांची रोलबॉल विश्वचषकासाठी भारतीय महिला संघाच्या संघ व्यवस्थापक पदावर निवड झाली आहे. त्या कोल्हापूर महावितरणात सहाय्यक लेखापाल पदावर कार्यरत आहेत. महाडीक या रोलबॉल खेळाच्या राष्ट्रीय प्रशिक्षक तर रोलर हॉकी या खेळाच्या  त्या आंतरराष्ट्रीय खेळाडू आहेत.

                                   रोलबॉलच्या सहाव्या विश्वचषक स्पर्धेचे आयोजन  दि.21 ते 26 एप्रिल 2023 दरम्यान श्री.शिवछत्रपती स्पोर्टस कॉम्प्लेक्स  म्हाळुंगे, बालेवाडी, पुणे येथे करण्यात आले आहे. या स्पर्धेत गतविजेता केनिया (2018), ब्राझिल, नेदरलँड, डेन्मार्क, नेपाळ, बांग्लादेश, हॉगकाँग, स्वीडन, युनायटेड किंगडम असे 20 हून अधिक देश या स्पर्धेत सहभागी होणार आहेत. तत्पुर्वी त्या 5 ते 12 मार्च कोईम्बतूर (तामिळनाडू) व 24 ते 31 मार्च गुवाहाटी (आसाम) येथे संघ निवडपुर्व शिबीरास उपस्थित राहणार आहेत. या निवडीबद्दल त्यांचे मुख्य अभियंता मा.श्री. परेश भागवत, सहाय्यक महाव्यवस्थापक (मानव संसाधन) शशिकांत पाटील, अधिक्षक अभियंता अंकुर कावळे, कार्यकारी अभियंता  सुनिल शिंदे यांनी अभिनंदन केले आहे.