no images were found
एण्‍ड टीव्‍ही घेऊन येत आहे कौटुंबिक मालिका ‘दूसरी मॉं’
आई-मुलाचे नाते शाश्‍वत, नि:स्‍वार्थ, प्रबळ आणि बिनशर्त प्रेमावर आधारित असल्‍याचे मानले जाते. मातृत्‍व प्रेम व आपुलकीला कोणतीही बंधने नसली तरी ते जटिल असू शकते, विशेषत: तो मुलगा तुमच्‍या पतीचा अवैध मुलगा असतो तेव्‍हा अनेक प्रश्‍न निर्माण होतात. आणि नशीब तुम्‍हाला त्‍या मुलासोबत एकाच छताखाली आणते तेव्‍हा काय घडते? अशीच काहीशी यशोदा व कृष्‍णाची कथा आहे, ज्‍यांना नशीब एकत्र आणते आणि त्‍यांच्‍या जीवनाला नकळतपणे कलाटणी मिळते. एण्‍ड टीव्‍ही नवीन कौटुंबिक मालिका ‘दूसरी मॉं’ सादर करण्‍यास सज्‍ज आहे. ही उत्तर प्रदेशमध्‍ये राहणा-या एका महिलेची कथा आहे, जी तिचे पती, दोन मुली व सासरच्‍या माणसांसोबत आनंदाने राहत असते. पण ती आणि तिचा पती नकळतपणे त्‍याच्‍या अवैध मुलाला दत्तक घेतात, तेव्‍हा त्‍यांचे आनंदी व शांतमय कौटुंबिक जीवन अस्‍ताव्‍यस्‍त होऊन जाते. या मालिकेची निर्मिती झी स्‍टुडिओजने केली आहे.
