अबू धाबी ते मुंबई प्रवासात महिलेचा अर्धनग्न धिंगाणा

मुंबई : अबू धाबी ते मुंबई विमान प्रवासात एका परदेशी महिलेने गोंधळ घातल्याची घटना घडली. बिसनेस क्लासमधील आसनावरून विमान कर्मचाऱ्याने उठविल्याने या महिलेने त्याला मारहाण केली. त्याच्या अंगावर थुंकली. इतकेच नाही तर अर्धनग्न होऊन विमानात फिरू लागली. विमानातील कर्मचाऱ्याने केलेल्या तक्रारीवरून या महिलेविरुद्ध सहार पोलिसांनी गुन्हा दाखल केला आहे.
काही वेळाने तिने अंगावरील कपडे काढले आणि विमानातच अर्धनग्न होऊन फिरू लागली. वैमानिकानेही त्या महिलेला शांत राहण्यास सांगितले. अखेर मुंबईत विमान उतरल्यानंतर त्या महिलेला विमानतळावरील सुरक्षा अधिकाऱ्याच्या ताब्यात देण्यात आले. कर्मचाऱ्याने दिलेल्या तक्रारीवरून महिलेविरोधात विमान अधिनियम १९३७ कलम २२, २३ नुसार गुन्हा नोंद करण्यात आल्याची माहिती पोलिसांनी दिली.