no images were found
‘महर्षी विठ्ठल रामजी शिंदे’ विशेष आवरण अनावरण समारंभ
कोल्हापूर : महर्षी विठ्ठल रामजी शिंदे अध्यासन, शिवाजी विद्यापीठ, कोल्हापूर यांच्या वतीने महर्षी विठ्ठलरामजी शिंदे यांच्या शतकोत्तर सुवर्ण महोत्सवी जयंतीनिमित्त भारतसरकारच्या टपाल खात्याकडून प्रसिद्ध करण्यात आलेल्या महर्षी विठ्ठलरामजी शिंदे विशेष आवरण अनावरणाचा समारंभ दि. २ जानेवारी २०२३ रोजी सकाळी ११.३० वाजता आयोजित केला आहे. टपाल खात्‍याचे गोवा रिजन पणजीचे प्रमुख पोस्ट मास्‍तर, आर. के. जायभाये यांच्या शुभहस्ते अनावरण समारंभ होणार आहे. या कार्यक्रमासाठी प्रमुख पाहुणे म्‍हणून, छत्रपती शाहू महाराज, कोल्हापूर, प्रा. डॉ. जनार्दन वाघमारे, माजी कुलगुरू, स्‍वामी रामानंद तीर्थ मराठवाडा विद्यापीठ, नांदेड हे उपस्‍थित राहणार आहेत. प्र.कुलगुरू प्रा. डॉ. पी.एस.पाटील तसेच प्र. कुलसचिव डॉ. व्‍ही.एन.शिंदे हे उपस्‍थित राहणार आहेत. समारंभाच्‍या अध्यक्षस्‍थानी शिवाजी विद्यापीठाचे कुलगुरू मा. डॉ. डी.टी. शिर्के उपस्‍थित असतील.
शिवाजी विद्यापीठाच्‍या राजर्षी शाहू सिनेट सभागृहात दि. २ जानेवारी २०२३ रोजी सकाळी ११.३० वाजता हा कार्यक्रम आयोजित केला. अशी माहिती महर्षी विठ्ठल रामजी शिंदे अध्यासनाचे समन्‍वयक डॉ. रणधीर शिंदे यांनी दिली आहे.
