no images were found
“माझ्या आवाजात स्त्रीसुलभता आणण्यासाठी मी आवाजाचे वेगवेगळे व्यायाम केले.”- इक्बाल खान
सोनी सबच्या यादे मालिकेत डॉ. देवच्या कल्लारी गावातील प्रवासातून हलक्याफुलक्या प्रसंगांसोबतच वेगळ्या वैद्यकीय प्रकरणांचीही मांडणी केली जाते. कल्लारीमधील आपल्या प्रवासात पुढे जात असताना, डॉ. देव (इक़्बाल खान) एका कठीण परिस्थितीचा सामना करतो, जेव्हा एका गर्भवती गावकरी महिलेच्या संदर्भातील आपत्कालीन प्रसंग त्याच्यासमोर उभा राहतो.
रुग्ण मिश्रीचा जीव वाचवण्याच्या आड ही परिस्थिती येऊ नये म्हणून, डॉ. देव एक अनोखी योजना आखतो आणि स्त्रीशक्तीचा संचार झालेल्या व्यक्तीचे रूप धारण करतो. महिलांच्या विभागात प्रवेश मिळावा यासाठी गावकऱ्यांना पटवून देण्यासाठी तो अगदी टोकाची पावले उचलतो. हा प्रसंग पडद्यावर साकारण्यासाठी इक़्बालला त्याच्या नेहमीच्या अभिनयशैलीच्या चौकटीबाहेर जाऊन आवाजातील बदलांवर विशेष मेहनत घ्यावी लागली. आपल्या आवाजात स्त्रीसुलभ भाव आणण्यासाठी त्याने विशिष्ट व्हॉईस एक्सरसाइजचा सराव केला. तसेच, त्याचे सादरीकरण विश्वासार्ह वाटावे यासाठी त्याने आवाजाची पट्टी, टोन आणि हावभाव यांकडे बारकाईने लक्ष दिले. या प्रसंगामुळे त्याला अभिनयाची एक वेगळी बाजू अनुभवण्याची संधी मिळाली, कारण गावकऱ्यांचा विरोध दूर करून गरजू व्यक्तीची मदत करण्यासाठी डॉ. देव आपल्या प्रसंगावधानाचा वापर करतो.
या प्रसंगाबद्दल बोलताना इक़्बाल खान म्हणाला, “एक अभिनेता म्हणून हा माझ्यासाठी खूपच वेगळा अनुभव होता, कारण डॉ. देवची भूमिका साकारताना मी सहसा ज्यांचा शोध घेत नाही अशा अभिनयाच्या काही पैलूंवर मला काम करावे लागले. या कथानकात तो स्त्रीशक्तीचा संचार झालेल्या व्यक्तीचे रूप धारण करतो, त्यामुळे आवाज योग्य वाटणे विशेष महत्त्वाचे होते. माझ्या आवाजात स्त्रीसुलभ भाव आणण्यासाठी मी विविध व्हॉईस एक्सरसाइजचा सराव केला आणि परिस्थितीला साजेसा वाटावा म्हणून आवाजाची पट्टी आणि टोन यावरही काम केले. या बारकाव्यांवर प्रयोग करणे खूपच रंजक होते आणि आवाज किंवा हावभावातील छोटासा बदलदेखील एखाद्या दृश्यात किती मोठा फरक घडवू शकतो, हे समजून घेण्याची संधी मिळाली.”
