no images were found
या गांधी जयंतीनिमित्त कलाकार महात्मा गांधींच्या त्या मूल्यांबद्दल बोलतात, जी आजही त्यांना प्रेरणा देतात
महात्मा गांधींची शिकवण आजही सत्य, दयाळूपणा, संयम आणि योग्य गोष्टीसाठी ठामपणे उभं राहणं यांसारख्या साध्या मूल्यांमधून तितकीच प्रेरणादायी वाटते. गांधी जयंतीनिमित्त सोनी सबचे कलाकार गुलकी जोशी, मनीष वाधवा, मुस्कान बामने आणि तोरल रसपुत्रा यांनी महात्मा गांधींच्या जीवनातून आणि शिकवणीतून त्यांनी कोणती मूल्यं शिकली आणि ती आपल्या दैनंदिन आयुष्यात कशी जपण्याचा प्रयत्न करतात, याबद्दल सांगितलं.
जमिनीशी जोडून राहणं, दयाळूपणाची निवड करणं आणि योग्य गोष्टीवर विश्वास ठेवणं यापासून ते त्यासाठी उभं राहण्यापर्यंत, कलाकारांनी आजही त्यांच्या आयुष्यात महत्त्व टिकवून ठेवलेल्या शिकवणींबद्दल सांगितलं.
गुलकी जोशी, ज्या सोनी सबवरील यादेंमध्ये डॉ. सृष्टी अग्रवालची भूमिका साकारतात, त्यांनी सांगितले, “महात्मा गांधींबद्दल मला सर्वात जास्त आवडणारी गोष्ट म्हणजे सत्याशी प्रामाणिक राहण्यावर आणि लोकांशी दयाळूपणे वागण्यावर त्यांचा असलेला विश्वास. मला वाटतं ही मूल्यं खूप साधी आहेत, पण आपल्या दैनंदिन आयुष्यात आपण लोकांशी आणि परिस्थितींशी कसं वागतो यामध्ये ती मोठा फरक घडवू शकतात.”
भीष्म पितामहची भूमिका साकारणारे मनीष वाधवा यांनी सांगितले, “गांधीजींचं आयुष्य आपल्याला शिकवतं की आपण ज्या गोष्टीवर विश्वास ठेवतो त्यासाठी ठामपणे उभं राहता येतं आणि तरीही माणुसकी जपता येते. माझ्यासाठी गांधीजींची शांतता आणि अभय (निर्भयता) यांची शिकवण खूप अर्थपूर्ण आहे. मला वाटतं की योग्य गोष्टीसाठी उभं राहण्याचं धैर्य दाखवणं आणि संघर्षाऐवजी शांततेची निवड करणं, ही अशी गोष्ट आहे जी आपण सगळे त्यांच्या आयुष्यातून शिकू शकतो. सत्य, साधेपणा आणि शिस्त ही त्यांची मूल्यं माझ्यासाठी असे धडे आहेत, जे आजही तितकेच महत्त्वाचे आहेत.”
शनायाची भूमिका साकारणाऱ्या मुस्कान बामने यांनी सांगितले, “गांधीजींबद्दल मला सर्वात प्रेरणादायी वाटणारी गोष्ट म्हणजे बदलाची सुरुवात आपल्या स्वतःच्या कृतींपासून होऊ शकते, यावर त्यांचा असलेला विश्वास. दयाळूपणे वागणं, संयम बाळगणं आणि योग्य गोष्ट करणं या छोट्या वाटणाऱ्या गोष्टीही महत्त्वाच्या असतात, याची मी स्वतःला नेहमी आठवण करून देते. त्यांचा दयाळूपणा आणि अहिंसेवर विश्वास होता. मला वाटतं की रागाऐवजी संयमाने प्रतिसाद देण्याची निवड ही अशी गोष्ट आहे, ज्याचा सराव आपण सगळे आपल्या दैनंदिन आयुष्यात करू शकतो.”
कुंतीची भूमिका साकारणाऱ्या तोरल रसपुत्रा यांनी सांगितले, “माझ्यासाठी गांधीजींचा सर्वात मोठा धडा म्हणजे परिस्थिती कितीही कठीण असली तरी स्वतःशी आणि आपल्या मूल्यांशी प्रामाणिक राहणं. त्यांचं आयुष्य आपल्याला दाखवून देतं की संयम, धैर्य आणि सत्य यांच्यामध्ये दीर्घकाळ टिकणारा बदल घडवण्याची ताकद असते. त्यांच्या साध्या जीवनशैलीवरील विश्वासाचं मला खूप कौतुक वाटतं. त्यांचं आयुष्य आपल्याला आठवण करून देतं की आनंदी राहण्यासाठी आपल्याला खूप काही आवश्यक नसतं आणि जमिनीशी जोडलेलं राहणं तसेच आपल्याकडे जे आहे त्यात समाधानी राहणं, वेगळ्याच प्रकारची शांतता देऊ शकतं.”
