डीकेटीईच्या मेकॅनिकल इंजिनिअरींग विद्यार्थ्यांची राष्ट्रीय नवोन्मेष अभियानात चमकदार कामगिरी

Oplus_131072

डीकेटीईच्या मेकॅनिकल इंजिनिअरींग विद्यार्थ्यांची राष्ट्रीय नवोन्मेष अभियानात चमकदार कामगिरी

इचलकरंजी :-डीकेटीई मधील मेकॅनिकल विभागातील विद्यार्थ्यांनी नवोन्मेष हेच भविष्य घडवते हा विश्‍वास कृतीत उतरवत राष्ट्रीय स्तरावरील मेड इन थ्रीडी-मेड इन थ्रीडी सीड द फयुचर एंटरप्रनरर्स या प्रतिष्ठेच्या कार्यक्रमांतर्गत प्रोफेशनल मेंटर्स म्हणून शालेय विद्यार्थ्यांना थेट मार्गदर्शन करण्याची ऐतिहासिक संधी साधली. विशेष म्हणजे डीकेटीईच्या या विद्यार्थ्यांनी देशात टॉप १० मध्ये स्थान मिळविले आहे.
हा उपक्रम ‘ला फांउडेशन द सॉल्ट सिस्टीम‘ व ‘लेंड अ हॅण्ड इंडिया‘(लाही,पुणे)या स्वयंसेवी संस्थेच्या संयुक्त विद्यमानाने राबविण्यात आला होता. या अंतर्गत देशातील निवडक शाळांमध्ये शिक्षक आणि विद्यार्थ्यांचा स्टार्टअप शैलीतील संघ तयार करुन त्यांना सीड फंडीगच्या माध्यमातून त्यांच्या सृजनशील कल्पनांना प्रत्यक्ष उत्पादनात बदलण्याची संधी मिळाली.
यावर्षी डीकेटीईच्या मेकॅनिकल विभागातील हर्षवर्धन हरगुडे, पार्थ व्हनवाडे,दीपक यादव आणि पार्श्‍व पाटील या विद्यार्थ्यांनी या स्पर्धेत सहभाग घेवून चमकदार कामगिरी केली.या विद्यार्थ्यांनी देशभरातील तब्बल ६ शाळांना मार्गदर्शन केले. यामध्ये प्रज्ञा प्रबोधनी प्रशाला (सांगली), शासकीय उच्च माध्यमिक विद्यालय (नागालँड),एस.जी.श्रॉफ स्कूल (नंदूरबार), लोयोला उच्च माध्यमिक विद्यालय (जाखमा) आणि आण्णासाहेब डांगे पब्लिक स्कूल (आष्टा) या शाळांचा समावेश होता.
डीकेटीईच्या विद्यार्थ्यांच्या मार्गदर्शनखाली शालेय विद्यार्थ्यांनी गार्डस्केल (फिश स्केल रिमूव्हर), बांबू व स्टीलवर आधारित वॉकिंग प्लॅटफॉर्म स्टेअरकेस, संस्कृती फोल्डएक्स (साडी फोल्डिंग मशीन),मल्टीपर्पज फिल्ड एडर,आणि ड्रेन्चिंग कंट्रोल यांसरखे नाविन्यपूर्ण प्रकल्प विकसित केले. या सर्व प्रकल्पांसाठी ६ शाळांना प्रत्येकी २१,५०० रुपये याप्रमाणे एकूण १,२९,००० रुपये एवढा उत्पादन विकास निधी (प्रोजेक्ट डेव्हलपमेंट फंड) देण्यात आला.तसेच या तांत्रिक मार्गदर्शनाखाली डीकेटीईच्या विद्यार्थी मेंटर्सना एकूण १६,५०० रुपये मानधन (स्टायपेंड) देण्यात आले.
डीकेटीई मध्ये उपलब्ध असलेली आयडिया लॅब, इन्व्होवेशन सेल व स्टार्टअप कटटा तसेच डीकेटीईतील विविध आधुनिक लॅबमार्फत विद्यार्थ्यांना विविध संशोधनाचे मार्गदर्शन केले जाते यामुळे अशा स्पर्धेत यश प्राप्त करण्यासाठी विद्यार्थ्यांना या लॅबमधील सुविंधाचा लाभ होतो व देशापातळीवरील या स्पर्धेत आपली गुणवत्ता त्यांनी सिध्द केली.
संस्थेचे अध्यक्ष कल्लाप्पाण्णा आवाडे,माजी मंत्री प्रकाश आवाडे,मानद सचिव डॉ सपना आवाडे, कार्यकारी संचालक रवी आवाडे व सर्व विश्‍वस्त यांनी शुभेच्छा दिल्या.विद्यार्थ्यांना संचालिका प्रा.डॉ.एल.एस.आडमुठे,डे.डायरेक्टर डॉ यु.जे.पाटील, डॉ व्ही.आर. नाईक,विभागप्रमुख डॉ व्ही.ए.कांबळे, प्रा. डॉ. सुयोग रायजाधव यांचे मार्गदर्शन लाभले.