भाषा प्रौद्योगिकी’ पुस्तकाचे विद्यापीठात प्रकाशन

Oplus_131072

भाषा प्रौद्योगिकी’ पुस्तकाचे विद्यापीठात प्रकाशन
कोल्हापूर, : शिवाजी विद्यापीठाच्या हिंदी अधिविभागातील अभ्यागत प्राध्यापक डॉ. अक्षय भोसले लिखित ‘भाषा प्रौद्योगिकी’ या पुस्तकाचे प्रकाशन अधिविभाग प्रमुख डॉ. तृप्ती करेकट्टी आणि राजर्षी छत्रपती शाहू महाविद्यालयाचे माजी प्राचार्य प्रा. मारुफ मुजावर यांच्या हस्ते काल झाले.
यावेळी प्रमुख अतिथी प्रा. मुजावर यांनी भाषा आणि तंत्रज्ञान यांच्यातील वाढते संबंध, आधुनिक काळातील भाषा प्रौद्योगिकीचे महत्त्व तसेच हिंदी भाषेच्या संदर्भातील नव्या संधींवर प्रकाश टाकला.
अध्यक्षीय मनोगतात डॉ. करेकट्टी यांनी पुस्तकाविषयी कौतुकोद्गार काढले. त्या म्हणाल्या, या पुस्तकात भाषा, संगणक, अभिकलनात्मक भाषाविज्ञान, प्राकृतिक भाषा संसाधन, कृत्रिम बुद्धिमत्ता, मशीनी अनुवाद तसेच भाषा प्रौद्योगिकीच्या विविध अनुप्रयोगांचा समावेश आहे. आधुनिक तंत्रज्ञानाच्या युगात हिंदी भाषेच्या अभ्यासाला नवी दिशा देणारा हा ग्रंथ विद्यार्थ्यांसह संशोधकांसाठी उपयुक्त ठरेल.
डॉ. गीता दोडमणी यांनी स्वागत व प्रास्ताविक केले. डॉ. जयसिंग कांबळे यांनी परिचय करून दिला. लेखक डॉ. अक्षय भोसले यांनी पुस्तकाविषयी माहिती दिली. डॉ. सुवर्णा गावडे यांनी सूत्रसंचालन केले. डॉ. प्रकाश निकम यांनी आभार मानले. यावेळी हिंदी अधिविभागातील शिक्षक, संशोधक विद्यार्थी-विद्यार्थिनी मोठ्या संख्येने उपस्थित होते.