no images were found
शिवाजी विद्यापीठ अधिकार मंडळ निवडणुकीत विकास आघाडीचे बहुमत
कोल्हापूर : येथील शिवाजी विद्यापीठ अधिकार मंडळ निवडणुकीत विकास आघाडीने बहुमत मिळवले आहे. आघाडीचे प्रमुख संजय डी. पाटील, भैय्या माने, अमित कुलकर्णी, डॉ.डी. आर मोरे यांनी छत्रपती शिवाजी महाराज यांच्या पुतळ्यासमोर गुलालाची उधळण करत जल्लोष केला.
शिवाजी विद्यापीठ विविध अधिकार मंडळांसाठी सोमवारी विद्यापीठ कार्यक्षेत्रातील कोल्हापूर, सांगली व सातारा जिल्ह्यांतील ३३ मतदान केंद्रांवर उत्साहात मतदान झाले. १०० हून अधिक उमेदवारांचे भवितव्य मतपेटीत बंद झाले आहे. अधिसभा शिक्षक, विद्यापीठ शिक्षक, नोंदणीकृत पदवीधर, अभ्यास मंडळासाठी चुरशीने मतदान झाले. यंदा पदवीधरसाठी तीनपट जास्त नोंदणी होऊनही केवळ ३० टक्केच मतदान झाले. यंदा सरासरी ४० टक्के मतदान झाल्याचे समजते. बुधवारी सकाळी८ वाजता विद्यापीठातील परीक्षा भवन येथे मतमोजणी होऊन निकाल जाहीर करण्यात आला.
दरम्यान, रात्री उशिरा झालेल्या मतमोजणीत विद्या परिषदेवर सुटाचे चारही उमेदवार निवडून आले आहेत. आधिसभा महाविद्यालय शिक्षक गटात आघाडीचे प्रा. रघुनाथ ढमकले व डॉ. प्रशांत खरात विजयी झाले आहेत.
