जी एच रायसोनी स्मृती 19 वर्षाखालील जिल्हा निवड बुद्धिबळ स्पर्धेत दिशा पाटील, हित बलदवा, अथर्व तावरे, प्रणव मोरे व ओजस व्हनमाने आघाडीवर.     

Oplus_131072

जी एच रायसोनी स्मृती 19 वर्षाखालील जिल्हा निवड बुद्धिबळ स्पर्धेत दिशा पाटील, हित बलदवा, अथर्व तावरे, प्रणव मोरे व ओजस व्हनमाने आघाडीवर.                                                        कोल्हापूर :- अयोध्या टॉवर, दाभोळकर कॉर्नर, कोल्हापूर येथे चेस असोसिएशन कोल्हापूरने आयोजित केलेल्या जी एच रायसोनी स्मृती 19 वर्षाखालील मुला-मुलींच्या जिल्हा निवड बुद्धिबळ स्पर्धा आज प्रारंभ झाल्या. या स्पर्धेत कोल्हापूर जिल्ह्यातील नामवंत 55 बुद्धिबळपटू सहभागी झाले आहेत यापैकी 26 बुद्धिबळपटू आंतरराष्ट्रीय गुणांकन प्राप्त आहेत. या स्पर्धेचे उद्घाटन शिवाजी विद्यापीठ हिंदी विभाग प्रमुख डॉक्टर तृप्ती करेकट्टी व राष्ट्रीय बुद्धिबळपटू दिशा पाटील यांच्या हस्ते बुद्धिबळाच्या पटावर चाल करून करण्यात आले यावेळी व्यासपीठावर आंतरराष्ट्रीय पंच भरत चौगुले, उत्कर्ष लोमटे, मनीष मारूलकर, प्रीतम घोडके, अनिश गांधी व सचिन वणीरे उपस्थित होते. स्वीस लीग पद्धतीने जलद बुद्धिबळाच्या आंतरराष्ट्रीय नियमानुसार सुरू असलेल्या या स्पर्धेच्या आज झालेल्या तिसऱ्या फेरीनंतर मुलांच्या गटात अग्रमानांकित जयसिंगपूरचा हित बलदवा, तृतीय मानांकित इचलकरंजीचा अथर्व तावरे, नववा मानांकित कोल्हापूरचा प्रणव मोरे व कागलचा ओजस व्हनमाने हे चौघे जण तीन गुणांसह संयुक्तपणे आघाडीवर आहेत. मुलींच्या गटात तिसऱ्या फेरीनंतर अग्रमानांकित जयसिंगपूरची दिशा पाटील तीन गुणांसह एकटीच आघाडीवर आहे.