no images were found
अदानी पोर्ट्सच्या मुंद्रा बंदरावर देशातील पहिल्या पूर्णतः भरलेल्या व्हीएलसीसी चे यशस्वी बर्थिंग
भारताच्या सागरी आणि ऊर्जा पायाभूत सुविधांच्या प्रवासात एक ऐतिहासिक टप्पा गाठत, अदानी पोर्ट्स अँड स्पेशल इकॉनॉमिक झोन लिमिटेड (एपीएसईजेड) यांनी आज मुंद्रा बंदरावर देशातील पहिल्या पूर्णतः भरलेल्या व्हेरी लार्ज क्रूड कॅरियर (वीएलसीसी) चे यशस्वी बर्थिंग झाल्याची घोषणा केली.एमटी न्यू रिनाउन या जहाजाची एकूण कार्गो क्षमता सुमारे 3.3 लाख घनमीटर असून, थेट जेटीवर बर्थिंग झाल्याने मुंद्रा हे भारतातील असे पहिले बंदर ठरले आहे.
या महत्त्वपूर्ण यशामुळे, पूर्णतः भरलेल्या व्हीएलसीसीसाठी थेट जेटी बर्थिंग सुविधा असलेल्या जगातील मोजक्या बंदरांमध्ये मुंद्रा बंदराचा समावेश झाला आहे. तीव्र समुद्री प्रवाह, जोरदार वारे आणि आव्हानात्मक समुद्रस्थिती असतानाही ही कामगिरी यशस्वीरीत्या पार पाडण्यात आली, ज्यातून एपीएसईजेड च्या मरीन टीम आणि बंदर व्यवस्थापनाचे तांत्रिक कौशल्य, अचूक समन्वय आणि कार्यक्षमता अधोरेखित होते.
पूर्ण क्षमतेने भरलेल्या व्हीएलसीसीला थेट जेटीवर बर्थिंग देण्याची क्षमता भारताच्या कच्च्या तेलाच्या लॉजिस्टिक्समध्ये आमूलाग्र बदल घडवणारी आहे. यामुळे कच्च्या तेलाची हाताळणी अधिक सुरक्षित, जलद आणि किफायतशीर होत असून, पारंपरिक ऑफशोअर सिंगल पॉइंट मूरिंग (एसपीएम) किंवा लाईटरिंग ऑपरेशन्सवरील अवलंबित्व संपुष्टात येते. ही कामगिरी भारताच्या वाढत्या ऊर्जा आणि व्यापार गरजांशी सुसंगत, जागतिक दर्जाच्या आणि भविष्यासाठी सज्ज पायाभूत सुविधांच्या विकासातील एपीएसईजेड चे नेतृत्व अधोरेखित करते.
अत्यंत खोल ड्राफ्ट, मोठे विस्थापन आणि प्रगत पायाभूत सुविधांची आवश्यकता असल्याने, पूर्णतः भरलेल्या व्हीएलसीसीचे थेट जेटी बर्थिंग जगातील मोजक्याच बंदरांमध्ये उपलब्ध आहे. या यशासह, मुंद्रा बंदराने जागतिक कच्च्या तेल हाताळणी केंद्रांच्या निवडक यादीत स्थान मिळवले असून, जागतिक सागरी आणि ऊर्जा नकाशावर भारताचे स्थान अधिक भक्कम केले आहे.
मुंद्रा येथील व्हीएलसीसी जेटी सुमारे 489 किलोमीटर लांबीच्या कच्च्या तेलाच्या पाइपलाईनद्वारे बारमेर (राजस्थान) येथील एचपीसीएल राजस्थान रिफायनरीशी थेट जोडलेली आहे. या थेट जोडणीमुळे भारताची ऊर्जा सुरक्षा बळकट होते, मोठ्या प्रमाणातील कच्च्या तेलाच्या आयातीची कार्यक्षमता वाढते, पुरवठा साखळी अधिक सक्षम होते तसेच गुजरात आणि राजस्थानमधील प्रादेशिक आर्थिक विकासाला चालना मिळते.
मुंद्रा येथील विशेषतः बांधलेली व्हीएलसीसी जेटी ही अभियांत्रिकी आणि कार्यपद्धतीतील एक क्रांतिकारी कामगिरी आहे. या जेटीची लांबी 400 मीटर असून बर्थ पॉकेटची खोली 25 मीटर आहे. कमाल 3,60,000 मेट्रिक टन विस्थापन आणि 21.6 मीटर ड्राफ्ट असलेल्या जहाजांना येथे बर्थिंग देता येते. या सुविधेत प्रगत कच्च्या तेलाच्या लोडिंग आर्म्स, उच्च क्षमतेचे मूरिंग व ब्रेस्टिंग डॉल्फिन्स आणि अतिविशाल जहाजांसाठी अत्याधुनिक फेंडर प्रणाली उपलब्ध आहे.
एपीएसईजेड चे प्रमुख आणि भारतातील सर्वात मोठे व्यावसायिक बंदर असलेले मुंद्रा बंदर, कच्छच्या आखातात रणनीतिकदृष्ट्या स्थित असून उत्तर व पश्चिम भारतासाठी महत्त्वाचे सागरी प्रवेशद्वार आहे. हे खोल पाण्याचे, सर्व हवामानात कार्यरत बंदर असून येथे 27 कार्यरत बर्थ्स आणि दोन सिंगल पॉइंट मूरिंग्स आहेत. ड्राय बल्क, लिक्विड्स, कंटेनर्स, ऑटोमोबाईल्स आणि कच्चे तेल अशा विविध प्रकारच्या मालवाहतुकीची क्षमता येथे उपलब्ध आहे.
मुंद्रा बंदर केपसाईज जहाजे, व्हीएलसीसी, यूएलसीसी आणि अतिविशाल कंटेनर जहाजे हाताळण्यास सक्षम आहे. आर्थिक वर्ष 2024–25 मध्ये एका वर्षात 200 दशलक्ष मेट्रिक टनांहून अधिक कार्गो हाताळणारे भारतातील पहिले बंदर बनत, मुंद्राने आपले नेतृत्व आणि कार्यक्षमता पुन्हा सिद्ध केली आहे.
मुंद्रा बंदराला जागतिक बँकेच्या कंटेनर पोर्ट परफॉर्मन्स इंडेक्स (सीपीपीआई) 2024 आणि 2025 मध्ये स्थान मिळाले असून, यामुळे त्याची कार्यक्षमता, विश्वासार्हता आणि आंतरराष्ट्रीय सर्वोत्तम पद्धतींचे पालन अधोरेखित होते.
