लेखक मनोज बोरगावकर यांचे ९ जानेवारीला व्याख्यान

Oplus_131072

लेखक मनोज बोरगावकर यांचे ९ जानेवारीला व्याख्यान
कोल्हापूर, (प्रतिनिधी): शिवाजी विद्यापीठातील मराठी विभागाच्या वतीने शुक्रवार दि. ९ जानेवारी २०२६ रोजी ‘लेखक संवाद’ या कार्यक्रमांतर्गत मराठीतील कवी, कादंबरीकार मनोज बोरगावकर यांच्याशी मुक्तसंवादाचे आयोजन करण्यात आले आहे.
मनोज बोरगावकर समकाळातील मराठी साहित्यातील महत्त्वाचे कादंबरीकार आणि लेखक म्हणून त्यांची ओळख आहे. त्यांची ‘नदीष्ट’ ही बहुचर्चित आणि लोकप्रिय कादंबरी वेगळे अनुभवविश्व वाचकांसमोर मांडते. यांच्या लेखनातून निसर्ग, ग्रामीण जीवन आणि मानवी भावनांचे सखोल चित्रण दिसते, ज्यामुळे ते मराठी साहित्यविश्वातील एक महत्त्वाचे नाव बनले आहेत. या कार्यक्रमाच्‍या निमित्‍ताने मनोज बोरगावकर यांच्‍या लेखनाच्‍या निर्मिती प्रक्रियेचा शोध घेतला जाणार आहे.
या कार्यक्रमाचे अध्यक्ष शिवाजी विद्यापीठाचे कुलसचिव डॉ. व्ही. एन. शिंदे असणार आहेत. हा कार्यक्रम रामानुजन सभागृह, गणित विभाग, शिवाजी विद्यापीठ, कोल्हापूर या ठिकाणी सकाळी ११.३० वाजता सुरू होणार आहे. तरी सर्वांनी या कार्यक्रमासाठी उपस्थित रहावे असे आवाहन मराठी विभागप्रमुख प्रा. डॉ. रणधीर शिंदे यांनी केले.