no images were found
अदाणी लॉजिस्टिक्स पार्कची कोचीतील कलमश्शेरी येथे पायाभरणी केरळच्या औद्योगिक विकासासाठी नवे पर्व
कोची,: अदाणी पोर्ट्स अँड स्पेशल इकॉनॉमिक झोन लिमिटेड (एपीएसईझेड) ने कलमश्शेरी, कोची येथे अदाणी लॉजिस्टिक्स पार्कच्या पायाभरणीची घोषणा केली असून याचे उद्घाटन केरळचे माननीय मुख्यमंत्री श्री. पिनराई विजयन यांच्या हस्ते झाले.
इन्व्हेस्ट इन केरळ उपक्रमांतर्गत विकसित होणारा हा महत्त्वाचा प्रकल्प, केरळला लॉजिस्टिक्स आणि औद्योगिक क्षेत्रात अग्रणी बनविण्यासाठी एक मोठे पाऊल आहे. औद्योगिक आणि लॉजिस्टिक्स विकासाचे केंद्र म्हणून झपाट्याने उभारी घेत असलेल्या कोचीमध्ये 70 एकरांवर पसरलेले हे पार्क उभारले जात आहे. हे पार्क वाहतूक खर्च कमी करण्यासाठी, ‘जस्ट-इन-टाइम’ पद्धतीने कामकाज सुलभ करण्यासाठी आणि ई-कॉमर्स, एफएमसीजी/एफएमसीडी, औषधनिर्मिती, ऑटोमोबाईल आणि रिटेल यांसारख्या महत्त्वाच्या क्षेत्रांतील निर्यात क्षमता वाढविण्यासाठी मदत करेल. या सुविधेत ईव्ही चार्जिंग स्टेशन, स्मार्ट लॉजिस्टिक्स सोल्यूशन्स आणि डिजिटल इंटिग्रेशन असेल, ज्यामध्ये शाश्वतता आणि नवकल्पनांना प्राधान्य दिले जाईल. या प्रकल्पात 600 कोटी रुपयांहून अधिक गुंतवणूक होणार असून यामुळे 1,500 पेक्षा जास्त रोजगारनिर्मिती होईल. यामुळे स्थानिक रोजगार, कौशल्य विकास आणि आर्थिक वाढीस चालना मिळेल तसेच पुरवठा साखळी व्यवस्थेत लघु व मध्यम उद्योगांना (एसएमई) प्रगतीची नवी संधी उपलब्ध होईल.
या प्रसंगी बोलताना अश्वनी गुप्ता, पूर्णवेळ संचालक आणि सीईओ, एपीएसईझेड म्हणाले, “कलमश्शेरी लॉजिस्टिक्स पार्क हे एपीएसईझेडच्या प्रवासातील एक महत्त्वाचे पाऊल आहे. बंदर-केंद्रित कंपनीमधून पूर्णपणे एकात्मिक वाहतूक आणि लॉजिस्टिक्स व्यवसायाकडे जाणाऱ्या आमच्या बदलाचा हा महत्त्वाचा भाग आहे. या दिशेने केलेल्या आमच्या सर्वात मोठ्या प्रयत्नांपैकी एक म्हणून हे पार्क दक्षिण भारतातील आमची लॉजिस्टिक्स उपस्थिती अधिक मजबूत करेल, स्थानिक उत्पादन आणि प्रादेशिक विकासाला मदत करेल. आम्ही शाश्वतता, कनेक्टिव्हिटी आणि राष्ट्रीय प्रगतीला चालना देणारी जागतिक दर्जाची पायाभूत सुविधा उभारण्यास कटिबद्ध आहोत.”
माननीय कायदा, उद्योग आणि कॉयर मंत्री श्री. पी. राजीव म्हणाले, “कलमश्शेरी लॉजिस्टिक्स पार्क हे व्यापाराला गती देणारे, समाजाला सक्षम करणारे आणि बाजारांना जोडणारे स्मार्ट व शाश्वत इन्फ्रास्ट्रक्चर उभारण्याचे एपीएसईझेडचे दूरदृष्टीपूर्ण ध्येय आहे. हे फक्त एक लॉजिस्टिक्स हब नसून समावेशक वाढ आणि प्रादेशिक बदलाचा एक प्रेरक घटक आहे. कोचीतील एपीएसईझेडचे हे पहिले लॉजिस्टिक्स पार्क असून, गेट एन्ट्रीपासून इनव्हॉईसिंगपर्यंत अखंड व एंड-टू-एंड डिजिटल अनुभव देईल. यामुळे ग्राहकांची सोय, कामकाजातील पारदर्शकता आणि पुरवठा साखळीतील रिअल-टाईम दृश्यमानता सुनिश्चित होईल.”
