no images were found
शासकीय औद्योगिक प्रशिक्षण संस्थेत शनिवारी रोजगार मेळावा
कोल्हापूर : जिल्हा कौशल्य विकास व उद्योजकता मार्गदर्शन केंद्र व शासकीय औद्योगिक प्रशिक्षण संस्था, कळंबा यांच्या संयुक्त विद्यमाने नोकरी इच्छुक उमेदवारांसाठी शनिवार दि. 15 ऑक्टोबर रोजी सकाळी 11 ते 5 या वेळेत शासकीय औद्योगिक प्रशिक्षण संस्था, कळंबा येथे ‘रोजगार मेळाव्याचे’ आयोजन करण्यात आले आहे, अशी माहिती कौशल्य विकास, रोजगार व उद्योजकता केंद्राचे सहायक आयुक्त संजय माळी यांनी केले आहे.
जिल्ह्यातील नामांकित 40 पेक्षा अधिक खासगी आस्थापनांचा 3 हजार पेक्षा जास्त रिक्तपदांच्या भरतीसाठी रोजगार मेळावा आयोजित करण्यात आला असून यामध्ये 7 वी ते पदव्युत्तर, आयटीआय, डिप्लोमा, इंजिनिअर इ. नोकरी इच्छुक उमेदवारांची प्रत्यक्ष मुलाखतीव्दारे निवड केली जाणार आहे.
रिक्तपदांची माहिती www.rojgar.mahaswayam.gov.in या संकेतस्थळावर उपलब्ध असून अधिक माहितीसाठी कार्यालयाचा दूरध्वनी क्रमांक 0231-2545677 वर संपर्क साधावा. मेळावा विनामूल्य असून नोकरी इच्छुक जास्तीत- जास्त उमेदवारांनी याचा लाभ घ्यावा, असेही श्री. माळी यांनी कळविले आहे.
