शिये येथे अल्पवयीन मुलीवर अत्याचार करून खून..!

करवीर तालुक्यातील शिये गावात एका दहा वर्षाच्या अल्पवयीन मुलीवर लैंगिक अत्याचार करून तिचा खून केल्याची घटना उघडकीस आली आहे .श्रीराम नगर येथील दहा वर्षाच्या मुलीचा मृतदेह शेतात आढळल्याने एकच खळबळ उडाले आहे.
ही मुलगी गेल्या दोन दिवसापासून बेपत्ता होती मिळाल्या माहितीनुसार संबंधित मुलगी परप्रांतीय कुटुंबातील असून दुसरीच्या वर्गात शिकत होती .हे कुटुंब मोलमजुरी साठी शिये येथील हनुमान नगर येथे राहत होते. गबरू पाटली यांच्या शेता नजीक असलेल्या ओढ्यामध्ये या मुलीचा मृतदेह सापडला या घटनेची माहिती मिळताच शिरोली पोलीस घटनास्थळी पोहोचले.त्यांनी श्वान पथकालाही पाचारण केले आहे या मुलीवर लैंगिक अत्याचार झाल्याचा संशय आहे.याप्रकरणी पोलिसांनी दोघा संशयतांना ताब्यात घेतले आहे बदलापूर येथील अल्पवयीन मुलींवरील अत्याचाराची घटना ताज्या असतानाच शेतीतील ही घटना घडल्याने नागरिका त संताप व्यक्त होत आहे.