शंभू सीमेवर भीषण परिस्थिती ड्रोनमधून अश्रुधुराचे गोळे फेक

नवी दिल्ली : शेतकऱ्यांच्या दिल्ली चलो मोर्चामुळे सर्व सीमा सील करण्यात आल्या आहेत. केंद्रीय मंत्री आणि शेतकरी नेत्यांची बैठक रात्री उशिरापर्यंत सुरू होती. आंदोलनावर ठाम असलेल्या शेतकऱ्यांची समजूत काढण्यासाठी सरकारने सर्वतोपरी प्रयत्न केले, मात्र तब्बल 5 तास चाललेली बैठक निष्फळ ठरली. त्यानंतर शेतकरी नेत्यांनी दिल्लीकडे कूच करणार असल्याचे सांगितले. गाझीपूर, सिंघू, संभू, टिकरीसह सर्व सीमांचे छावणीत रूपांतर करण्यात आले आहे. त्याचबरोबर आंदोलकांनी कायदा व सुव्यवस्था बिघडवण्याचा प्रयत्न केल्यास त्यांच्यावर कडक कारवाई करण्यात येईल, असेही पोलिसांनी स्पष्ट केले आहे.
पंजाब. हरियाणा आणि उत्तर प्रदेशातील शेतकरी दिल्लीत येऊ लागले आहेत. त्यामुळे दिल्लीला लागून असलेल्या सर्व सीमांवर वाहतूक कोंडी झाली आहे. वास्तविक, किमान आधारभूत किंमत आणि इतर मागण्यांबाबत शेतकऱ्यांच आंदोलन सुरू आहे. शेतकऱ्यांची समजूत काढण्यासाठी सोमवारी सुमारे पाच तास चर्चा झाली. या बैठकीला केंद्रीय मंत्री पियुष गोयल आणि अर्जुन मुंडा उपस्थित होते. परंतु शेतकऱ्यांना किमान आधारभूत किंमतीवर कायदेशीर हमी हवी होती.
आम आदमी पक्षाच्या राज्यसभा खासदार स्वाती मालीवाल यांनी शेतकऱ्यांचा विरोध पाहता पंतप्रधान नरेंद्र मोदींना पत्र लिहिले आहे. मालिवाल यांनी शेतकऱ्यांना खिळे ठोकून थांबवणे आणि अश्रूधुराचे नळकांडे फोडणे हे चिंताजनक असल्याचे वर्णन केले आहे. त्यांनी पंतप्रधान मोदींना हस्तक्षेप करून शेतकऱ्यांशी सामान्य चर्चा सुरू करण्याचे आवाहन केले आहे.शेतकऱ्यांचा दिल्लीकडे मोर्चा पाहता दिल्लीच्या सीमा सील करण्यात आल्या आहेत. शंभू सीमेवर शेतकरी आणि पोलिसांमध्ये चकमक झाली. शेतकऱ्यांना रोखण्यासाठी अश्रुधुराच्या नळकांड्या फोडण्यात आल्या.