गेल्या 9 वर्षात 60 कोटी गरिबांचे जीवनमान सुधारणे ही मोदी सरकारची सर्वात मोठी उपलब्धी : शहा

केंद्रीय गृह आणि सहकार मंत्री अमित शहा यांनी शनिवारी अहमदाबाद जिल्ह्यातील साणंद येथे आयोजित ‘विकास भारत संकल्प यात्रे’ला संबोधित करताना स्पष्ट केले की, ‘देशातील 60 कोटी गरीब लोकांचे जीवनमान सुधारणे ही नरेंद्र मोदी सरकारची सर्वात मोठी उपलब्धी आहे.’

यावेळी शाह यांनी प्रत्येकाने भारताला विकसित देश बनविण्याची शपथ घेण्यासाठी  आणि देशाच्या स्वातंत्र्यासाठी ज्यांनी बलिदान दिले त्यांची स्वप्ने साकार करण्यासाठी प्रयत्न करण्याचे आवाहन केले. संपूर्ण देशाला माहीत आहे की, गेल्या 9 वर्षात मोदीजींच्या नेतृत्वाखाली आणि अमित शाह यांच्या मार्गदर्शनाखाली पाकिस्तानवर सर्जिकल स्ट्राईक करून भारताला सुरक्षित करण्याचे काम झाले आहे, कलम 370 हटवण्याचे अधुरे स्वप्न साकार झाले, अयोध्येत प्रभू श्रीरामाच्या मंदिराचे बांधकाम करण्यात आले, चांद्रयान मोहिमेद्वारे चंद्राच्या पृष्ठभागावर उतरलेल्या देशांमध्ये भारताचा समावेश होता, स्वातंत्र्यानंतर आर्थिक मापदंडांमध्ये सर्वाधिक सुधारणा झाली आहे आणि स्वातंत्र्यानंतर जास्तीत जास्त औद्योगिक विकासाची कामेही झाली आहेत.

आज अमृतकाळामध्ये ६० कोटी गरीब लोकांना नळपाणी पुरवठा कनेक्शन, गॅस सिलिंडर, शौचालयासह स्वतःचे घर, ५ लाख रुपयांपर्यंतचे मोफत उपचार आणि ५ किलो मोफत धान्य दिले जात आहे. गेल्या 9 वर्षात मोदी-शहा जोडीने याची खातरजमा केली की कोट्यवधी गरीब महिलांच्या घरात गॅस सिलिंडर पोहोचेल, ज्याची कोणी कल्पनाही करू शकत नाही. चार कोटींहून अधिक गरीब लोकांना घरे उपलब्ध करून देण्यात आली आणि प्रत्येक घरात नळाद्वारे पाणी पोहोचवण्याची व्यवस्था करण्यात आली. प्रत्येक गाव रस्त्याने जोडले गेले, प्रत्येक घरात वीज जोडणी आणि बँक खाते देण्यात आले आणि प्रत्येक गरीब व्यक्तीला दरमहा 5 किलो धान्य देण्याची व्यवस्था करण्यात आली. देशातील 130 कोटी लोकांना कोविड-19 चे मोफत लसीकरण केवळ मोदी सरकारच्या काळातच शक्य झाले.

अंत्योदयाचे राजकारण करणाऱ्या मोदी आणि शहा या जोडीने याची खातरजमा केली आहे की  प्रत्येकाला आयुष्मान कार्ड, नळपाणी कनेक्शन, शौचालय, गॅस सिलिंडर, सरकारी योजनांचा 100 टक्के लाभ मिळावा, जेणेकरून जनता समाधानी होईल आणि देशाचा विकास होईल. आज अमृतकाळामध्ये  कोणीही स्वच्छ इंधन, शौचालय, घरगुती वापरासाठी औषधे आणि अन्नापासून वंचित राहत नाही.