no images were found
कार-दुचाकी अपघातात ४ जणांचा मृत्यू
नागपूरमध्ये भीषण अपघात; 80 फूट फ्लायओव्हरवरून पडल्याने चौघांचा मृत्यू
नागपूर : नागपूरमधील सक्करदरा परिसरात भीषण अपघात झाला आहे. या दुर्घटनेत भरधाव कारने धडक दिल्याने दुचाकीवरून जाणारे चौघेजण सुमारे 70 ते 80 फूट उंच फ्लायओवरवरून खाली फेकले गेले त्यात चौघांचा मृत्यू झाला आहे. उपलब्ध माहितीनुसार, मृतांमध्ये 2 चिमुरड्यांचाही समावेश आहे.
सक्करदरा परिसरात रात्री सव्वा दहा वाजण्याच्या सुमारास फ्लायओवरवर गर्दीतून जाताना अनियंत्रित चारचाकी कारने दोन दुचाकींना जोरात धडक दिली. त्यामुळे दुचाकीवरील चौघेजण फ्लायओवरच्या खाली फेकले गेले. दुचाकीवरील चौघेही सुमारे 70 ते 80 फूट उंचीवरून खाली असणाऱ्या रस्त्यावर फेकले गेल्याने चौघेजण गंभीर जखमी झाले. या चौघांना त्वरित शासकीय वैद्यकीय रुग्णालयात दाखल करण्यात आले.
यांना धडक देणाऱ्या चार चाकी वाहनाच्या चालकाला पोलिसांनी ताब्यात घेतले असून तो कारच्या मालकाचा ड्रायव्हर असल्याची माहिती समोर आली आहे. गंभीर जखमी असलेल्या चौघांचा मृत्यू झाला. मृतांमध्ये एक पुरुष, एक स्त्री आणि दोन लहान मुलांचा समावेश आहे. तर चारचाकीने धडक दिलेल्या दुसऱ्या दुचाकी वर बसलेले चौघेही गंभीर जखमी झाले आहेत. नागपूरमधील सक्करदरा परिसरात भीषण अपघात झाला आहे.
