अंधार व पावसाचा फायदा घेत चोरट्यांनी ५० हजारांचे टोमॅटो चोरले

कुरुंदवाड : शेतावर सीसीटीव्ही कॅमेऱ्याची नजर असतानाही चोरट्यांनी अंधार व पावसाचा फायदा घेऊन सीसीटीव्हीलाही चकवा देत हेरवाड (ता. शिरोळ) येथील अशोक मस्के यांच्या शेतात चोरी  केली.रात्री अज्ञात चोरट्यांनी सुमारे ६० ते ७० हजार रुपये किमतीचे टोमॅटो चोरून नेली आहे. या चोरीमुळे मोठा धक्का बसला आहे.

हेरवाड येथील अशोक मस्के या शेतकऱ्याने २० गुंठे टोमॅटोची शेती केली आहे. उन्हाळ्यात पाण्याची टंचाई निर्माण झाली असतानाही अत्यंत कष्टाने टोमॅटो पीक जगविले.

एक आठवड्यापूर्वी पीक काढणीला सुरू झाले होते . १५० ते १६० रुपये किलो भाव झाल्याने कष्टाचे चीज झाले. मात्र बुधवारी रात्री पाऊस आणि अंधाराचा फायदा घेत अज्ञात चोरांनी शेतातील सुमारे २० ते २५ कॅरेट टोमॅटो तोडून नेले आहेत. गुरुवारी सकाळी मस्के शेतात गेल्यानंतर चोरीचा प्रकार उघडकीस आला. चोरीच्या या घटनेमुळे शेतकऱ्यांमधुन  संताप व्यक्त केला जात आहे