विविध प्रांतातील कलाकारांचा 13 व 14 मे रोजी कार्यक्रम

कोल्हापूर  :  विविध प्रांतातील कलाकारांचा लोककलेचा कार्यक्रम 12 मे  ऐवजी 13 व 14 मे रोजी छत्रपती शाहू मिलमध्ये सायंकाळी 6 ते 9 यावेळेत होआहे.  शुक्रवार दि. 12 मे रोजी इयत्ता 5 वी ते 10 वी च्या विद्यार्थ्यांसाठी चेतन चौगुले यांची चित्ररेखांकन आणि रंगकाम कार्यशाळा होणार आहे तर शनिवार 13 मे रोजी इयत्ता 5 वी ते 10 वी च्या विद्यार्थ्यांसाठी भाऊसो पाटील यांचे ऍनिमेशन आणि कार्टून फिल्म निर्मिती आणि त्यातील चित्रकलेचे योगदान याबद्दल प्राथमिक माहिती कार्यशाळा घेण्यात येणार  आहे. नृत्य दिग्दर्शक सागर बगाडे यांची 14 मे रोजी सकाळी 10.30 ते 12.30 यावेळेत विविध नृत्य प्रकारांवर आधारित विनामूल्य प्रशिक्षण व सादरीकरण कार्यशाळा विद्यार्थ्यांसाठी होणार असून याचा लाभ घेण्याचे आवाहन
जिल्हाधिकारी राहुल रेखावार यांनी केले आहे.