no images were found
नागाव : दुचाकी अपघातातील एका जखमीचा मृत्यू
कोल्हापूर ; नागांव (ता. हातकणंगले) येथे राजेश मार्बलसमोर सेवा रस्त्यावर दोन मोटरसायकलची समोरासमोर जोरदार धडक होऊन या अपघातात तीनजण गंभीर जखमी झाले होते. त्यातील अतुल अंकुश गुडाळे याचा उपचारादरम्यान कोल्हापूर येथील सीपीआर रुग्णालयात आज (शनिवार) पहाटे एक वाजण्याच्या सुमारास मृत्यू झाला. या अपघातातील इतर दोघांची नवे स्वप्नील उर्फ संभाजी कांबळे व अविनाश कांबळे अशी आहेत.
यासंदर्भात मिळालेली अधिक माहिती अशी की, शुक्रवारी रात्री नऊ वाजण्याच्या सुमारास महामार्गाच्या सेवा मार्गावर (नागाव) राजेश मार्बल समोर हा अपघात घडला. मोटारसायकलवरून अतुल गुडाळे हा नागाव फाट्याच्या दिशेने चलला होता. त्याचवेळी अविनाश कांबळे व स्वप्नील कांबळे हे दोघे मोटार सायकलवरून नागाव येथील डॉ. आंबेडकर नगर येथून शिरोली एमआयडीसीकडे निघाले होते. राजेश मार्बल येथे दोन्ही मोटारसायकलींची समोरासमोर जोरदार धडक झाली. या धडकेमुळे तिघेजणही गंभीर जखमी झाले. अतुल गुडाळे यांच्या डोक्याला गंभीर दुखापत झाली होती. अविनाश व स्वप्निल हे देखील गंभीर जखमी आहेत. तिघाही जखमींवर कोल्हापुरातील सरकारी दवाखान्यात उपचार सुरू होते. त्यापैकी अतुलचा आज (शनिवार) पहाटे एक वाजण्याच्या सुमारास मृत्यू झाला. या अपघातातील इतर दोघांची प्रकृतीही चिंताजनक आहे.
